Mateo 19:9 - Emberá Chamí

⁹ Mʉʉba jaraaruu: Barikiuba ichi wẽra junebena ome kãiwẽa b̶uu amaaped̶a, maabae junebena wẽra ome miakãiruubʉrã, mau mukĩraba kachirua wau b̶uu. [Junebena mukĩraba chi amaad̶a wẽra ome miakãiruubʉrã mau mukĩraba kachirua wau b̶uu mau wẽra ome.]

Mateo 19:9 Iomraidhean Croise

Mateo 19:10

Maud̶e Jesús baara nibabadaurãba ichimaa jarasid̶au: —Maka b̶uubʉrã, mukĩra ab̶a wẽra ome kãibai b̶uu.

Mateo 19:8

Jesusba panausii: —Machi sõ chaarea nureed̶eeba Moisesba maka ida b̶usii. Maamina Dachi Akõreba nau drua wausiid̶e maka kʉ̃riawẽa b̶uasii.

Mateo 5:32

Maamina mʉʉba jaraaruu: Barikiuba ichi wẽra junebena ome kãi b̶eewẽa b̶uu amaaruubʉrã, ichi wẽra junebena ome miakãiruubʉrã, Dachi Akõre daad̶e mau mukĩraba mau wẽramaa kachirua waubii b̶uu, chi wẽra junebena mukĩra ome kãi b̶eei b̶uud̶eeba. Maud̶e mukĩra ab̶aba mau amaad̶a wẽra ome miakãiruubʉrã, mau mukĩraba kachirua wau b̶uu.

Lucas 16:18

»Mukĩraba ichi wẽra amaaped̶a junebena wẽra ome miakãiruubʉrã kachirua wau b̶uu. Arab̶aud̶e chi amaad̶a wẽra ome miakãiruubʉrã mau mukĩraba mau wẽra ome kachirua wau b̶uu.

1 Corintios 5:1

Ẽbẽrarãba jara panuu machi tãed̶e ab̶a kĩra nejasia waubarii. Jara panuu mauba chi akõre wẽra ichi wẽra kĩra uru b̶uu. Biawãra Jesucristod̶e ijãad̶akaurã bid̶a mau kachirua waud̶akau.

1 Corintios 7:39

Chi wẽra mukĩra bara b̶uu chi mukĩra chokae b̶uumisa ichi ome b̶uai b̶uu. Maamina chi mukĩra biuruubʉrã, waya miakãi kʉ̃riaruubʉrã, poyaa miakãai b̶uu. Maamina ab̶aburu Dachi Mechiud̶e ijãa b̶uu ome miakãai b̶uu.

1 Corintios 7:4

Chi wẽra ichi kakua chibariwãema, maumaarã chi kimáturu ichi kakua chibaribʉ. Ara mau kĩra chi mukĩra ichi kakua chibariwãema, maumaarã ichi wẽráturu chibaribʉ.