Mateo 19:28 - Emberá Chamí

²⁸ Jesusba panausii: —Mʉʉba biawãra jaraaruu: Dachi Akõreba ne joma chiwid̶i waui ewarid̶e mʉ, chi Ẽbẽra Ba B̶uad̶a mʉ rey ãkau biad̶e akʉ b̶eei. Maud̶e machi mʉ baara nibabadaurã 12 rey ãkaud̶e akʉ paneed̶ai Israeld̶ebena neeped̶aad̶a 12 puuru nebʉra ichiad̶ai baita.

Mateo 19:28 Iomraidhean Croise

Mateo 16:27

Biawãra mʉ, chi Ẽbẽra Ba B̶uad̶a angelerã ome neei mʉ Chacha poyaad̶eeba chi ẽbẽrarã nebʉra ichiai baita. Maud̶e bia waubadaurã mʉʉba bia b̶ui maud̶e kachirua waubadaurã kastikai.

Mateo 19:27

Maud̶e Pedroba Jesusmaa jarasii: —Daiba joma b̶ʉisid̶au bichi baara wãd̶ai baita. ¿Maka b̶uubʉrã mau kuenda kãare adaud̶aima?

Mateo 20:21

Maud̶e Jesusba id̶isii: —Bichiba ¿kãare kʉ̃ria b̶uma? Mau wẽraba panausii: —Jarase, bichi ẽbẽrarã rey b̶eeruud̶e, mʉ warrarã bichi jãkaa akʉ paneed̶amera, ab̶a bichi jua biare, ab̶a bichi jua sordoare.

Mateo 25:31

»Mʉ, chi Ẽbẽra Ba B̶uad̶a joma angelerã baara kĩrawãrea baraa neeruud̶e, mʉ rey ãkaud̶e akʉ b̶eei, ẽbẽrarã nebʉra bara nuree ai baita.

Mateo 6:33

Maud̶eeba machiba jʉrʉ́sturu Dachi Akõreba machi ichi juad̶e ua b̶uai, ichid̶irã baara. Kauwa panásturu ichiba waubi b̶uu waud̶ai. Maka machiba wãꞌãe panuu ichiba joma mau deai.

Mateo 8:20

Jesusba ichimaa jarasii: —Usa moded̶ebena de bara nii maud̶e ibana de bara nii, maamina mʉ, chi Ẽbẽra Ba B̶uad̶a sama kãi nub̶uai wãꞌãe b̶uu.

Marcos 10:37

Ãchiba panausid̶au: —Bichid̶irã bichi juad̶e ua b̶eeruud̶e, dai bichi jãkaa akʉ b̶eebiáse, ab̶a bichi jua biare, ab̶a bichi jua sordoare.

Hechos 3:21

Ʉ̃raud̶aa Jesucristo bajãad̶e b̶uu ab̶a Dachi Akõreba joma waya biꞌia chiwid̶i wauruud̶aa, chi Dachi Akõre baita berreabadaurãba nabẽraed̶e berreabachid̶au kĩra.

2 Timoteo 2:12

Dachi ãrea biꞌiwãe panuu dauchia jãadua panuubʉrã, ichi ome chi karrarã kĩra nuread̶ai. Dachiba Cristo adua panuu aaduubʉrã, ichia bid̶a dachi adua b̶uu ai.

2 Pedro 3:13

Maamina Dachi Akõreba bajãa wid̶i maud̶e iujãa wid̶i waui asii. Mau dachiba esed̶au panuu. Mama jomaurãba jipa wau nuread̶ai.

Apocalipsis 11:16

Maud̶e chi 24 chõrarã mechiurã ãchi rey ãkaud̶e sĩu duanad̶a Dachi Akõre daad̶e õdarrd̶e kopaneesid̶au maabae Dachi Akõremaa biꞌia berreasid̶au.

Apocalipsis 12:1

Bajãad̶e ne makai b̶uu ʉ̃rʉbena unusii. Mʉʉba wẽra ab̶a ʉmada paru kĩra jʉ̃ b̶uu unusii. Mau jʉ̃rʉ jed̶ako ʉ̃rʉ tʉa kub̶uasii. Boro jũra pusterrea 12 waud̶a jʉ̃ b̶uasii.

Apocalipsis 20:4

Maabae mʉʉba rey ãkaurã ãrea unusii. Mau ʉ̃rʉ akʉ b̶eemaa Dachi Akõreba dead̶akasii ẽbẽrarãba wauped̶aad̶a ichiad̶amera. Maud̶e ẽbẽrarã boro tʉʉtaped̶aad̶a jauri unusii. Maka boro tʉʉtasid̶au Jesusba jaradead̶a ijãa panuud̶eeba maud̶e Dachi Akõre bed̶ea jaradea panuud̶eeba. Ãchiba ãnimara kachirua nii maud̶e chi ara ichi kĩra juaba ne kaped̶aad̶a ãrea kʉ̃riad̶aabasii. Ichi seña ãchi daub̶ʉʉrʉd̶e juad̶e bid̶a ida waubid̶aabasii. Ãchi chokae jiradud̶aped̶a Cristo baara karrarã 1.000 años paneesid̶au.

Apocalipsis 21:5

Maabae chi rey ãkaud̶e akʉ b̶uuba naka jarasii: «Mʉʉba joma chiwid̶i waumaa b̶uu». Maud̶e naka jarasii: «Chi mʉʉba jara b̶uu karta ab̶ad̶e b̶ʉse chi biawãra bed̶ead̶eeba, maud̶e biawãra makaaruu poyaa ijãaduud̶eeba».

Apocalipsis 22:5

Ẽsabud̶ebena wãꞌãe bai. Dachi Akõre Mechiuba ʉ̃d̶aa deaid̶eeba, ẽbẽrarã ʉ̃d̶aaswãe biꞌia duanad̶ai maud̶e ʉmadaswãe. Ewaricha ãchi ichi ome ãbua chi karrarã nuread̶ai.

Apocalipsis 3:21

Mʉʉba chi kachirua waui poyaasiid̶eeba Dachi Akõre baara ichi rey ãkaud̶e akʉ b̶eesii. Ara mau kĩra chi kachirua waui poyaaped̶aad̶a mʉ baara mʉ rey ãkaud̶e akʉ b̶eebiai.

Apocalipsis 4:4

Maud̶e 24 rey ãkau panuu chi rey ãkau ad̶u jũra panasii. Mau ʉ̃rʉ 24 chõrarã mechiu akʉ duanasii. Ãchi paru torroa b̶uasii. Maud̶e boro jũra nee waud̶a jʉ̃ panasii.

Apocalipsis 7:4

Maud̶e mʉʉba ũrisii Dachi Akõre sello uru panuu sãabe panuu: 144.000 basii. Maarã joma Israeld̶ebena imiped̶aad̶arã basii.