Mateo 19:25 - Emberá Chamí

²⁵ Maud̶e ichi baara nibabadaurãba kãare kʉ̃risiad̶ai adua basii, ãchiba Dachi Akõreba barau nuree aude kʉ̃riakua b̶uu kʉ̃risia panuud̶eeba. Ãchiba id̶isid̶au: —Makarã Dachi Akõreba ¿kai karibaima?

Mateo 19:25 Iomraidhean Croise

Mateo 19:24

Waya mʉʉba jaraaruu: chaarea ãrea b̶uu barau nii Dachi Akõreba ichi juad̶e ua b̶uud̶e b̶uayu, camello ab̶a ãkusa daud̶e wãi bad̶amaarã.

Mateo 19:26

Jesusba ãchi ichiaped̶a jarasii: —Ẽbẽraba mau poyaa waukau maamina Dachi Akõreba poyaa joma waubarii.

Mateo 24:22

Mau ewari ãrea b̶uai. Dachi Mechiuba chi mau ewari b̶aꞌãra b̶ud̶awãe basirã, ẽbẽra ab̶a bid̶a chokae panad̶aabai basii. Maamina ichiba mau ewari b̶aꞌãra b̶usii ichiba jʉrʉ adaud̶arã kʉ̃ria b̶uabariid̶eeba.

Marcos 13:20

Dachi Mechiuba chi mau ewari b̶aꞌãra b̶ud̶awãe basirã, ẽbẽra ab̶a bid̶a chokae panad̶aabai basii. Maamina ichiba mau ewari b̶aꞌãra b̶usii ichiba jʉrʉ adaud̶arã kʉ̃ria b̶uabariid̶eeba.

Romanos 10:13

Dachi Akõre bed̶ead̶e naka b̶ʉ kub̶uu: «Chi Dachi Mechiumaa chi chuburia id̶iiduu joma karibai».