33 Mau ¿sakãe bichi kõpaero kĩra chuburiabasma?”
Chi reyba mau ẽbẽra ichi daad̶e iubiped̶a naka jarasii: “¡Bichi sõ kachirua nii! ¡Bichi mʉʉmaa chi chuburia id̶id̶e neesiid̶e, mʉʉba bichi kĩra chuburiasii maud̶e bichiba mʉʉmaa deai b̶uad̶a perdonasii!
Chi rey ãrea kĩru b̶uasiid̶eeba, chi ichi baita trajabarii jʉ̃abadau ded̶e ẽbẽrarã kachirua waubadaurã juad̶e b̶usii chi deai b̶uad̶a joma paaruud̶aa.
Biꞌia panuu chi waabenarã kĩra chuburiabadau, Dachi Akõreba machi kĩra chuburiaid̶eeba.
Daiba kachirua wauped̶aad̶a perdonakuase, daimaa kachirua wauduu daiba perdonabadau kĩra.
Sõbiad̶eeba nureásturu. Kĩra chuburia baraa nureásturu. Chi machiba kachirua wauped̶aad̶a kʉde uru b̶ee ida b̶ústuru, Dachi Akõreba machi kachirua Cristod̶eeba ida b̶ud̶a kĩra.
Jomaurã ome jãaduai kuitaa panásturu. Ab̶auba kachirua wauruubʉrã mau kachirua waud̶a perdonásturu. Machiba kachirua wauped̶aad̶a Dachi Mechiuba kʉde b̶eei ida b̶ud̶a kĩra machia bid̶a kʉde b̶eei ida b̶ústuru.
