Mateo 18:22 - Emberá Chamí

²² Jesusba panausii: —Mʉʉba jaraaruu: 7buru jarawẽe, maumaarã 77 perdonai b̶uu.

Mateo 18:22 Iomraidhean Croise

Mateo 18:23

»Bajãad̶e B̶uuba ichid̶irã ichi juad̶e ua b̶uu nau kĩra b̶uu: Rey ab̶a b̶uasii. Earab̶a mau reyba kʉ̃ria b̶uasii chi ichi baita trajabadaurãba ichiba chi nejarra dead̶ad̶ebena ichimaa paad̶amera.

Marcos 11:25

Maud̶e machiba Dachi Akõremaa ʉtaa id̶i panuud̶e barikia ẽbẽra ome kĩra kachirua panuubʉrã, mau ẽbẽraba kachirua waud̶a perdonásturu. Makaaruubʉrã machiba kachirua wauped̶aad̶a machi Bajãad̶ebena Akõreba perdonai.

Romanos 12:21

Ab̶auba machi kachirua wauruubʉrã ara mau kĩra waurã́sturu. Maumaarã biꞌia wáusturu ichi kĩra nejasiaped̶a ichiba kachirua wau b̶uu ida b̶uamera.

Efesios 4:26

Kĩruuduubʉrã kachirua waurã́sturu. Machi kĩru panuumisa, ewari araa b̶aebirã́sturu.

Efesios 4:31

Machiba joma ab̶au ʉ̃rʉbena sõd̶e kachirua kʉ̃risiabadau, sõd̶eeba kĩrubadau, oa kachirua berreabadau, kĩrud̶eeba berreabadau, waabenarã ʉ̃rʉbena setaa jarabadau maud̶e waabenarã kachirua waud̶ai kʉ̃risiabadau joma ida b̶ústuru.

Colosenses 3:13

Jomaurã ome jãaduai kuitaa panásturu. Ab̶auba kachirua wauruubʉrã mau kachirua waud̶a perdonásturu. Machiba kachirua wauped̶aad̶a Dachi Mechiuba kʉde b̶eei ida b̶ud̶a kĩra machia bid̶a kʉde b̶eei ida b̶ústuru.

1 Timoteo 2:8

Maud̶eeba, ãbarã araa ãbua imiiduucha mʉʉba kʉ̃ria b̶uu mukĩrarãba kʉ̃risia biad̶eeba ãchi jua ʉtaa jiraaduud̶e Dachi Akõremaa ʉtaa id̶id̶amera. Maud̶e kĩru panad̶aabai panuu maud̶e oa kachirua berrea panad̶aabai panuu.