Mateo 17:18 - Emberá Chamí

¹⁸ Jesusba chi jai kachirua iadaasiid̶e chi warr kakuad̶ebena wãsii. Ara makʉd̶e chi warr aribiasii.

Mateo 17:18 Iomraidhean Croise

Mateo 12:22

Maabae ẽbẽra jai kachirua bara nii Jesusmaa eneesid̶au. Mau ẽbẽra dau pãriu b̶uasii maud̶e bosara b̶uasii. Jesusba ichi aribiabisii berreamera maud̶e unu nibad̶eamera.

Mateo 15:28

Maabae Jesusba jarasii: —Wẽra, bichiba biawãra ijãa b̶uu mʉʉba bichi kau poyaa aribiabii b̶uu. Maud̶eeba bichiba kʉ̃ria b̶uu kĩra mʉʉba waui. Ara makʉd̶e chi kau aribiasii.

Mateo 17:17

Jesusba jarasii: —¡Machiba Dachi Akõred̶e ijãad̶akau! ¡Machi chi kachirua nuree! Machiba ijãad̶amera ¿sakaed̶aa mʉ dauchia jãadua b̶uaima? Warr namaa enésturu.

Mateo 17:19

Mau maad̶akare Jesús baara nibabadaurã ichimaa wãd̶aped̶a ãchi du ab̶a id̶isid̶au: —¿Sakãe daiba jãu jai kachirua poyaa duabʉid̶aabasma?

Mateo 9:22

Jesusba waya ekarrnaa ichiaped̶a mau wẽra unusiid̶e naka jarasii: —Kau, kĩrajʉʉse. Bichiba biawãra ijãasiid̶eeba aribiasii. Ara makʉd̶e mau wẽra aribiasii.

Marcos 1:34

Maud̶e Jesusba ẽpermo nuree ãrea aribiabiasii maud̶e jai kachiruarã ãrea duabʉikuasii. Jauri kachiruarãba ichi kuitaa panad̶ad̶eeba Jesusba chũpeabiabachii.

Marcos 5:8

Maka berreasii Jesusba ichimaa naka jara b̶uasiid̶eeba: «¡Jauri kachirua, nau ẽbẽra kakuad̶ebena awara wãse!»

Lucas 4:41

Maud̶e jai kachiruarã joma duabʉikasii. Wãaduud̶e naka b̶ia jarasid̶au: «¡Bichi biawãra Dachi Akõre warrbʉ!» Ãchiba kuitaa panasid̶au ichi Dachi Akõreba Dachi Karibabarii deai jarad̶a. Maud̶eeba Jesusba ãchi iadaabachii chũpead̶amera.

Lucas 8:29

Jauri kachiruaba maka jarasii Jesusba jarad̶ad̶eeba mau ẽbẽra kakuad̶ebena awara wãmera. Ewari ãrea b̶uasii mau jai kachiruaba ẽbẽra kachirua wau uru b̶uu. Waabenarãba chi mau mukĩra kaenaba jʉ̃d̶aped̶a kauwa nubachid̶amina chi kaena tuikuaped̶a ẽbẽra wãꞌãemaa chi jai kachiruaba adoebachii.

Lucas 9:42

Chi warr Jesusmaa wãaruud̶e chi jai kachiruaba chi warr jeed̶a b̶aebiped̶a ãrea wawabisii. Maamina Jesusba chi jai duabʉisii. Chi warr aribiabid̶a chi akõremaa deasii.

Hechos 16:18

Ichiba ewari ãrea maka jĩwa b̶ia nibasiid̶eeba Pablo waa ũri kʉ̃riabasii. Ichimaa ichiaped̶a chi jai kachiruamaa jarasii: —Mʉʉba Jesucristo trʉ̃d̶eeba bichimaa jaraaruu: nau ãwerad̶ebena ãyaa wãse. Ara makʉd̶e chi jai kachirua wãsii.