Mateo 17:17 - Emberá Chamí

¹⁷ Jesusba jarasii: —¡Machiba Dachi Akõred̶e ijãad̶akau! ¡Machi chi kachirua nuree! Machiba ijãad̶amera ¿sakaed̶aa mʉ dauchia jãadua b̶uaima? Warr namaa enésturu.

Mateo 17:17 Iomraidhean Croise

Mateo 13:58

Ãchiba ijãad̶aabasiid̶eeba Jesusba aria ẽbẽrarãba ne poyaa waud̶akau ãrea waubasii.

Mateo 16:8

Jesusba kuitaa b̶uasii kãare ʉ̃rʉbena berrea panuu. Maud̶eeba jarasii: —¿Sakãe pan wãꞌãe a panuma? Machiba Dachi Akõred̶e ijãad̶awẽa panuu kĩra panuu.

Mateo 17:16

Mʉʉba ichi bichi baara nibabadaurãmaa eneesii, maamina poyaa aribiabid̶aabasii.

Mateo 17:18

Jesusba chi jai kachirua iadaasiid̶e chi warr kakuad̶ebena wãsii. Ara makʉd̶e chi warr aribiasii.

Mateo 6:30

Id̶ibae sirua moded̶e unubadau. Norema baabadamina Dachi Akõreba biꞌia ponobibarii. Maud̶eeba ¿ichiba machimaa paru bibuara b̶uu deawẽka machiba mau jʉ̃d̶amera? ¿Sakãe machiba ijãad̶awẽma ichiba karibai b̶uu?

Mateo 8:26

Jesusba panausii: —¿Sakãe wapea panuma? ¡Machi biꞌia ijãad̶awẽa panuu! Jaraped̶a, maabae chi pũatu iadaasii maud̶e mar ʉ̃rapemaa. Ara makʉd̶e chi mar joma apii nub̶eesii.

Marcos 16:14

Mau maad̶akare chi Jesús baara nibabadaurã 11 komaa panuud̶e, Jesusba ichi unubiasii. Ãchi sõ chaaread̶eeba ijãad̶aabasiid̶eeba maud̶e chi ichi chokae jiradud̶a unuped̶aad̶aba ãchimaa jarad̶a ijãad̶aabasiid̶eeba ichiba ãchi iadaasii.

Marcos 9:19

Jesusba jarasii: —¡Machiba Dachi Akõred̶e ijãad̶akau! Machiba ijãad̶amera ¿sakaed̶aa mʉ dauchia jãadua b̶uaima? Mau warr namaa enésturu.

Lucas 24:25

Maud̶eeba Jesusba ãchimaa jarasii: ¡Joma Dachi Akõre baita berreabadaurãba jaraped̶aad̶a machiba ijãad̶ai ida b̶u panuu! ¡Machi kʉ̃risiaswãe panuu!

Lucas 9:41

Maud̶eeba Jesusba panausii: —¡Machiba Dachi Akõred̶e ijãad̶akau! ¡Machi chi kachirua nuree! Machiba ijãad̶amera ¿sakaed̶aa mʉ dauchia jãadua b̶uaima? Bichi warr namaa eneese.

Juan 20:27

Maabae Tomasmaa jarasii: —Bichi jua jimid̶i nama bʉise, mʉ jua ab̶aab̶aa ichiáse, maud̶e bichi jua mʉ orrd̶e bʉise. Waa ijãawẽa b̶uarã́se, maumaarã ijãase mʉ biawãra chokae jiradusii.

Hechos 13:18

Mau maad̶akare ãchi drua sirua wãꞌãe b̶uud̶e Dachi Akõreba ãchi 40 años dauchia jãadua b̶uasii.

Hechos 2:40

Pedro ãrea berreasii ãchiba ijãad̶amera. Naka jara b̶uasii: —¡Dachi Mechiuba chi id̶ibaebena ẽbẽrarã kachirua waubadaud̶ebena ãyaa wã́sturu!

2 Corintios 11:1

Mʉ kʉ̃risiaswãe nii kĩra berrea b̶umina kʉ̃ria b̶uu machiba dauchia jãadua panad̶ai. Mʉ chi chuburia id̶iiruu mʉʉba jaraaruu ũrísturu.