Mateo 16:4 - Emberá Chamí

⁴ Machi chi id̶ibaebenarã kachiruarãba Dachi Akõred̶e ijãad̶ai ida b̶u panuu. Id̶i panuu mʉʉba ẽbẽrarãba ne poyaa waud̶akau waumera. Maamina mʉʉba maka waubai. Machiba ab̶aburu Jonás maka b̶uad̶a kĩra unud̶ai». Maabae Jesús ãchi b̶ʉiped̶a wãsii.

Mateo 16:4 Iomraidhean Croise

Mateo 15:14

Maud̶eeba fariseorã kakua kʉ̃risiarã́sturu. Ãchi o unubibadaurã dau pãriu nuree kĩra panuu. Dau pãriu niiba ab̶a dau pãriu niimaa o jaradearuud̶e, omea chob̶ead̶e b̶ae wãd̶ai.

Mateo 16:5

Mar mechiu kĩaraa wãsid̶aud̶e Jesús baara nibabadaurãba pan adoed̶ai kĩrabad̶aabasii.

Marcos 8:12

Ãchiba maka waa jara panuud̶eeba Jesús id̶u ʉ̃yabaped̶a jarasii: —Id̶ibena ẽbẽrarãba ¿sakãe ẽbẽrarãba ne poyaa waud̶akau unu kʉ̃ria panuma? Biawãra ara mʉʉba jaraaruu: mʉ Dachi Akõred̶ebena nee b̶uu kuitaad̶amera mʉʉba ẽbẽrarãba ne poyaa waud̶akau waubai.

Marcos 8:38

Ab̶auba mʉ ʉ̃rʉbena kĩrakayaaruubʉrã maud̶e mʉ bed̶ead̶e, mʉ, chi Ẽbẽra Ba B̶uad̶a neeruud̶e mau ẽbẽra kakua kĩrakaya b̶uai. Mau ewarid̶e mʉ Chachaba mʉʉmaa poyaabarii dead̶ad̶eeba neei, chi ichi angelerã biꞌia nuree baara».

Hechos 18:6

Maamina ichiba jara b̶uu ãchiba ida b̶usid̶au. Maud̶e ichi ʉ̃rʉbena kachirua berreabachid̶au. Maud̶eeba Pabloba chi paru jʉ̃ b̶uu neapesii, chi ãchiba wauped̶aad̶a ichiba mau kʉ̃riawẽa b̶uu unubiai baita. Naka jarasii: —Machiba mau bed̶ea ijãad̶awẽebʉrã, mʉ kakuawãe. Chi mʉʉba machi baita waui b̶uad̶a, mau joma wausii. Jãabae nau tõpe mʉ judiowãerãmaa wãi.

Hechos 2:40

Pedro ãrea berreasii ãchiba ijãad̶amera. Naka jara b̶uasii: —¡Dachi Mechiuba chi id̶ibaebena ẽbẽrarã kachirua waubadaud̶ebena ãyaa wã́sturu!