Mateo 16:24 - Emberá Chamí

²⁴ Maabae Jesusba ichi baara nibabadaurãmaa jarasii: —Ab̶a mʉ baara nibai kʉ̃ria b̶uubʉrã, mauba wau kʉ̃ria b̶uu ida b̶uped̶a ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

Mateo 16:24 Iomraidhean Croise

Mateo 10:38

Maud̶e mʉʉd̶e ijãa b̶uu kakua, biꞌiwãe b̶uubʉrã, poyaa mʉ baara nibaabai.

Mateo 27:32

Arabena wãsid̶aud̶e kokoroarãba ẽbẽra Simón abadau unusid̶au. Mau Cirene puurud̶ebena basii. Ãchiba mau Simonmaa Jesús cruz adoebisid̶au.

Marcos 10:21

Maud̶e Jesusba ẽbẽra kʉ̃riad̶eeba ichiaped̶a jarasii: —Wabid̶a bichiba ne ab̶a waui b̶uu. Bichiba uru b̶uu joma nedobʉid̶e wãped̶a chi nejarr barauwãe nureerãmaa dead̶akase. Maka bajãad̶e ne bia uru b̶uai. Maabae mʉ baara nibad̶e neese.

Marcos 15:21

Jesús puuru awara adoesid̶aud̶e ẽbẽra Simón abadau Jerusalend̶aa neeruu basii. Mau Alejandro maud̶e Rufo akõre basii. Mau Cirene puurud̶ebena basii. Kokoroarãba ichimaa Jesús cruz adoebisid̶au.

Marcos 8:34

Jesusba ichi baara nibabadaurã maud̶e waabenarã iukuaped̶a jarasii: «Ab̶a mʉ baara nibai kʉ̃ria b̶uubʉrã, mauba wau kʉ̃ria b̶uu ida b̶uped̶a ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

Lucas 14:27

Mʉʉd̶e ijãa b̶uu kakua, biꞌiwãe b̶uubʉrã, poyaa mʉ baara nibaabai.

Lucas 23:26

Jesús cruzd̶e jirab̶ud̶ai baita adoesid̶aud̶e Cirened̶ebena Simón abadau waya puurud̶aa neeruu basii. Jesusba cruz adoeruu inibad̶a mau Simonmaa ichi kaad̶e adoebisid̶au.

Juan 19:17

Jesusba ichi cruz atauped̶a kokoroarãba ichi adoesid̶au drua “Boro B̶ʉʉrʉ” abadaumaa. Hebreo bed̶ead̶e Gólgota abadau.

Juan 21:19

Mau jara b̶uud̶eeba Jesusba kuitaabisii Pedro saka biui b̶uu, ichi biuruud̶eeba ẽbẽrarãba kuitaad̶ai Dachi Akõre chi mechiu nii. Maka jaraped̶a Jesusba Pedromaa jarasii: —¡Mʉ baara nibase!

Juan 21:22

Jesusba panausii: —Mʉʉba kʉ̃ria b̶uubʉrã ichi chokae b̶uai ab̶a mʉ waya neeruud̶aa ¿bichiba mau sakaima? Mʉʉba kʉ̃ria b̶uu bichi mʉ baara nibai.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

Colosenses 1:24

Jãabae mʉʉba machi aid̶ai baita ãrea biꞌiwãe b̶umina kĩrajʉʉ b̶uu. Maud̶e Cristo baita wabid̶a biꞌiwãe b̶uai b̶uud̶eeba, ãrea biꞌiwãe nibai joma ichi ẽbẽrarã aid̶ai baita.

1 Tesalonicenses 3:3

maud̶e machi ãrea biꞌiwãe panuud̶e, mau ãrea kʉ̃risiarãad̶amera. Machiba kuitaa panuu Cristod̶e ijãa panuu baita dachi ãrea nebʉrad̶e panad̶ai panuu.

2 Timoteo 3:12

Biawãra joma Jesucristod̶e ijãabadaurã, Dachi Akõre daad̶e biꞌia nibad̶ai kʉ̃riabadaurã, ẽbẽrarãba wãraad̶ai kachirua waud̶ai baita.

1 Pedro 2:21

Cristo machi kakua ãrea biꞌiwãe b̶uasiid̶eeba Dachi Akõreba machi iusii ãrea biꞌiwãe panad̶amera. Cristo ãrea biꞌiwãe b̶uasiid̶e unubiasii machi nebʉrad̶e panuud̶e saka nibad̶ai panuu.