Mateo 16:16 - Emberá Chamí

¹⁶ Simón Pedroba panausii: —Bichi Dachi Akõreba Dachi Karibabarii deai jarad̶a, Dachi Akõre chokae b̶uu Warrbʉ.

Mateo 16:16 Iomraidhean Croise

Mateo 1:16

Jacob José akõre basii. José María kima basii. María Jesús nawe basii. Ara mau Jesús Dachi Akõreba Dachi Karibabarii deai jarad̶a abadau.

Mateo 14:33

Maabae joma jãbad̶e panuu Jesús daad̶e õdarrd̶e kopaneed̶aped̶a ichimaa biꞌia berreasid̶au: —¡Bichi biawãra Dachi Akõre Warrbʉ!

Mateo 16:15

Maud̶e Jesusba id̶isii: —Maamina machiba mʉ ¿kai kʉ̃risia panuma?

Mateo 26:63

Maamina Jesús chũpea b̶eesii. Maka b̶uud̶e paare mechiuba ichimaa jarasii: —Dachi Akõre chokae nii daad̶e daimaa biawãra jarase. ¿Bichi Dachi Akõreba Dachi Karibabarii deai jarad̶aka? ¿Bichi Dachi Akõre Warrka?

Mateo 27:54

Romad̶ebena kokoroarã jaradea ua b̶uabariiba, ichi kokoroarã bid̶a Jesús nu panasid̶au ab̶auba aid̶arãad̶amera. Maamina ioromiaba makaaruu unusid̶aud̶e ãrea perad̶aped̶a jarasid̶au: —Biawãra nau mukĩra Dachi Akõre Warr basii.

Mateo 4:3

Maka b̶uud̶e chi jʉbawãe nii neesii. Maabae ichiba jarasii: —Bichi biawãra Dachi Akõre Warrbʉrã, naarã moomaa jarase pan bamera.

Marcos 14:61

Maamina Jesusba ab̶a bid̶a panaubasii; chũpea kob̶eesii. Maka b̶uud̶e, chi paare mechiuba waya Jesusmaa id̶isii: ¿Bichi Dachi Akõreba Dachi Karibabarii deai jarad̶aka? ¿Bichi Dachi Akõre chi Biꞌia nii Warrka?

Lucas 2:11

Id̶i David chi naweba adaud̶a puuru Belend̶e machi karibabarii adausii. Mau Cristobʉ, Dachi Mechiu.

Juan 1:49

Maud̶eeba Natanaelba jarasii: —Jaradeabarii, bichi biawãra Dachi Akõre Warrbʉ. Bichi Israeld̶ebenarã Reybʉ.

Juan 11:27

Maud̶e Martaba panausii: —Maerã mʉ Mechiu, mʉʉba ijãa b̶uu bichi Dachi Akõre Warr, Dachi Akõreba Dachi Karibabarii deai jarad̶a, nau iujãad̶e neei b̶uad̶a.

Juan 20:31

Maamina joma nau b̶ʉsii machiba Jesús Dachi Akõreba Dachi Karibabarii deai jarad̶a, Dachi Akõre Warr ijãad̶amera. Maka ijãaduubʉrã ichid̶eeba chokae b̶uai uru nuread̶ai.

Juan 6:57

Mʉ Chacha chokae b̶uabariiba mʉ bʉisii. Ara mau kĩra chi mʉ kooruu mʉʉd̶eeba chokae b̶uai.

Juan 6:68

Simón Pedroba panausii: —Dai Mechiu, dai ¿kaimaa wãd̶aima? Ab̶a bichiaburu daimaa jaradeabarii Dachi Akõre ome ewaricha chokae nuread̶amera.

Juan 6:69

Daiba bichi bed̶ea biawãra ijãa panuu, maud̶e daiba biawãra kuitaa panuu bichi Dachi Akõreba Bʉid̶a Jipa Nii.

Hechos 14:15

—Machiba, ¿sakãe jãka wau panuma? Dai biawãra ẽbẽrarãbʉ, machi kĩra. Machimaa jarad̶e nee panuu chi biawãe b̶ee ida b̶ud̶aped̶a Dachi Akõre chokae nii ijãad̶amera. Mau Dachi Akõreba bajãa, nau iujãa, mar maud̶e joma mamed̶a duanuu wausii.

Hechos 8:36

Maka panuud̶e bania b̶uumare wãsid̶au. Maud̶e chi trajabarii mechiuba jarasii: —Ichiáse. Nama bania nub̶uu. ¿Kãareba mʉ poyaa boro eabiibai b̶uma? Mʉ ¿boro eai b̶uka?

Hechos 8:37

Felipeba jarasii: —Bichiba Jesús Dachi Akõre Warr biawãra sõd̶eeba ijãa b̶uubʉrã, boro eai b̶uu. Maud̶e chi trajabarii mechiuba panausii: —Mʉʉba biawãra ijãa b̶uu Jesucristo Dachi Akõre Warr nii.

Hechos 9:20

Maud̶e judiorã araa ãbua imibadau decha ichiba jaradea b̶eesii Jesús biawãra Dachi Akõre Warr nii.

2 Corintios 1:19

Silvanoba, Timoteoba maud̶e mʉa bid̶a machimaa Dachi Akõre Warr Jesucristo ʉ̃rʉbena jaradea panasid̶au. Jesucristoba waui ad̶a waya wauwẽa akau. Ichiba waui ad̶a joma waubarii. Daiba «nau biawãra» ad̶aabasii, maad̶akare «seta» ad̶ai baita.

2 Corintios 3:3

Daid̶eeba Cristod̶e ijãaped̶aad̶ad̶eeba machi karta Cristoba b̶ʉ dead̶a kĩra panuu. Ichiba mau karta chi tintaba b̶ʉʉbasii, maumaarã chi chokae nii Dachi Akõre Jaurid̶eeba b̶ʉsii. Mo peed̶ead̶e b̶ʉʉbasii, maumaarã dachi sõd̶e b̶ʉsii.

2 Corintios 6:16

¿Dachi Akõre kuenda juaba ne kaped̶aad̶a Dachi Akõre de mechiud̶e b̶uai b̶uka? Biawãra dachi, chi Dachi Akõre chokae b̶uu de mechiubʉ. Maud̶eeba Dachi Akõreba ichi bed̶ead̶e naka jarasii: «Mʉ ãchi ome b̶uai. Ãchi tãed̶e nibai. Mʉ Dachi Akõre ãchid̶i bai maud̶e ãchi mʉ puuru nuread̶ai».

1 Tesalonicenses 1:9

Ara ãchiba jara panuu saka machiba dai deed̶aa urúbad̶e aped̶aad̶a, maud̶e Dachi Akõre kuenda juaba ne kaped̶aad̶arã ida b̶usid̶au Dachi Akõre biawãra chokae nii ijãad̶ai baita.

1 Timoteo 3:15

Maamina kãꞌãaruubʉrã mʉʉba kʉ̃ria b̶uu Dachi Akõre chokae nii ẽbẽrarã saka ãbua panad̶ai panuu bichiba kuitaamera. Dachiba Dachi Akõre chi biawãra bed̶ea jaradeabadau de wãto kĩra b̶uu maud̶e de jʉ̃rʉ kĩra b̶uu.

1 Timoteo 4:10

Mau baita dachi traja panuu. Ãrea biꞌiwãe panuu, Dachi Akõre chokae b̶uuba jomaurã poyaa karibai kuitaa panuud̶eeba. Biꞌia jaraaruubʉrã, chi ichid̶e ijãaduu karibabarii.

Hebreos 10:31

Dachi Akõre chokae niiba dachi nebʉra ichiaruubʉrã biawãra ãrea mia kachirua b̶uu.

Hebreos 12:22

Maamina machi Dachi Akõremaa neesid̶aud̶e chi biawãra Sión ead̶aa maud̶e chi bajãad̶ebena Jerusalend̶aa neesid̶au. Mau puuru Dachi Akõre chokae niid̶ebʉ. Aria angelerã mil ãrea ãbua kĩrajʉʉ duanuu.

Hebreos 3:12

Ãbarã, kauwa panásturu. Sõ chaareaba machid̶ebena ab̶a bid̶a Dachi Akõred̶e ijãawẽa b̶uarã́se. Chi maka niiba Dachi Akõre chokae nii ida b̶ubarii.

Hebreos 9:14

Maka baibʉrã, ¿Cristo oaba dachi biꞌia b̶uwẽka? Cristo kachiruaswãe nibasii. Dachi Akõre Jauri biukauba karibasiid̶eeba ara ichi ida beabisii ãnimara Dachi Akõremaa baa dearuu kĩra. Kachirua wau panuu kakua dachi biud̶ai panasid̶au. Maamina Cristoba ara ichi ida beabisiid̶eeba dachiba kachirua wauped̶aad̶a Dachi Akõreba perdonaped̶a dachi kʉ̃risia jipa b̶usii. Maka chi Dachi Akõre chokae niiba kʉ̃ria b̶uu, mau dachiba poyaa waud̶ai.

1 Juan 4:15

Barikiuba Jesús biawãra Dachi Akõre Warr aaruubʉrã, Dachi Akõre ichi ome b̶uu maud̶e ichi Dachi Akõre ome b̶uu.

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.

1 Juan 5:5

¿Kaiba nau iujãad̶ebena kachirua poyaa ida b̶uima? Ab̶auba Jesús biawãra Dachi Akõre Warr ijãad̶e b̶uubʉrã, mau ẽbẽraba mau poyaa ida b̶ui.

Apocalipsis 7:2

Dachi Akõreba ãchimaa poyaabarii dea b̶uasii chi iujãa maud̶e mar ãrid̶amera. Maka b̶uud̶e mʉʉba ángel maucha ʉmada urubariare uruu unusii. Mauba Dachi Akõre chokae niid̶e sello wãabarii uru b̶uasii. Mauba naka jarakuasii chi kimare angelerãmaa: