Mateo 16:12 - Emberá Chamí

¹² Maabáeburu kuitaasid̶au Jesusba masa ẽesãabibarii ʉ̃rʉbena jarawẽa b̶uasii, maumaarã jara b̶uasii fariseorãba, saduceorãba jaradeabadau ʉ̃rʉbena kauwa panad̶amera.

Mateo 16:12 Iomraidhean Croise

Mateo 16:11

¿Sakaburu kauwa ũrid̶awẽma, mʉʉba pan ʉ̃rʉbena berreawẽa b̶uu? Mʉʉba jarasii fariseorã masa ẽesãabibarii maud̶e saduceorãd̶e kauwa panad̶amera.

Mateo 3:7

Maka b̶uud̶e waabenarã Moisesba b̶ʉd̶a jaradeabadau neesid̶au Juanba boro eamera. Waabenarã fariseorã basii; waabenarã saduceorã basii. Maamina Juanba ãchi unuuruud̶e jarasii: «Ẽbẽrarã dama kĩra nuree, ¿kaiba jarasma machi Dachi Akõre kĩruuruud̶e poyaa mirud̶ayu?

Mateo 5:20

Mʉʉba biawãra jaraaruu: Moisesba b̶ʉd̶a jaradeabadaurãba wau panuu kãyabãra maud̶e fariseorãba wau panuu kãyabãra machiba jipa waud̶aabasiibʉrã, Bajãad̶e B̶uuba machi ichi juad̶e ua b̶uabai.

Hechos 23:8

(Saduceorãba jarabadau biud̶arã chokae jiradud̶akau, angelerã wãꞌãe, jauri sid̶a wãꞌãe. Maamina fariseorãba joma mau ijãa panuu).

1 Corintios 5:6

Ara machi waabenarã audeara biꞌia nuree ad̶aabai panuu. ¿Machiba adua panuka masa ẽesãabibarii b̶aꞌãra b̶uuba harina joma ẽesãabibarii? Ara mau kĩra chi kachirua b̶aꞌãra wauruuba waabenarã ãbarã joma kachiruabiabarii.