Mateo 15:30 - Emberá Chamí

³⁰ Maabae ẽbẽrarã ãrea ichi b̶uumaa neesid̶au. Maarãba jʉ̃rʉ nʉka nuree, dau pãriu nuree, bosara nuree, jua morraa nuree maud̶e waabenarã ẽpermo nureerã eneesid̶au. Mau joma Jesús kĩraare duanuud̶e neesid̶au. Maabae ichiba joma aribiabiasii.

Mateo 15:30 Iomraidhean Croise

Marcos 9:43

Bichi juaba bichimaa kachirua waubiiruubʉrã, mau b̶ʉatutase. Bibuara b̶uu Dachi Akõre ome ewaricha juaswãe nii b̶uai, bichi jua omea inii tʉbʉchia aoko kub̶uu kiikaumaa wãi bad̶amaarã.

Lucas 14:13

Maud̶eeba bichiba ẽbẽrarã iuruud̶e chi ne wãꞌãe nuree, chi poyaa nibad̶akau, jʉ̃rʉ nʉka nuree, dau pãriu nuree iukuase.

Hechos 2:22

»Machi Israeld̶ebenarã, nau bed̶ea ũrísturu: Dachi Akõreba Jesús Nazaretd̶ebenamaa ẽbẽrarãba ne poyaa waud̶akau mechiu machi tãed̶e waubisii. Maka wau b̶uud̶eeba Jesusba kuitaabiasii Dachi Akõre ichi ome b̶uu. Mau machiba biꞌia kuitaa panuu.