Mateo 15:28 - Emberá Chamí

²⁸ Maabae Jesusba jarasii: —Wẽra, bichiba biawãra ijãa b̶uu mʉʉba bichi kau poyaa aribiabii b̶uu. Maud̶eeba bichiba kʉ̃ria b̶uu kĩra mʉʉba waui. Ara makʉd̶e chi kau aribiasii.

Mateo 15:28 Iomraidhean Croise

Mateo 14:31

Ara makʉd̶e Jesusba juad̶e jidau adausii maabae jarasii: —¿Wabid̶a bichiba ijãawẽa b̶uka? ¿Sakãe ijãawẽa b̶uma mʉʉba bichi bania ʉ̃rʉ poyaa nibabii b̶uu?

Mateo 15:27

Maud̶e wẽraba jarasii: —Bichiba biawãra jara b̶uu, mʉ Mechiu, maamina usarãba chi chibari chiko jurrchoabiped̶aad̶a mesad̶ebena b̶aeped̶aad̶a kobadau.

Mateo 8:10

Jesusba mau ũrisiid̶e biꞌia kʉ̃risiasii. Maabae ichi baara wãaduumaa jarasii: —Biawãra machimaa jaraaruu: nau ẽbẽraba ãrea ijãa b̶uu kĩra Israeld̶ebena ab̶a bid̶a unukau.

Mateo 8:13

Maabae Jesusba kokoroarã jaradea ua b̶uabariimaa jarasii: —Deed̶aa wãse. Bichiba ijãa b̶uu kĩra mʉa waui. Ara makʉd̶e chi kokoroarã jaradea ua b̶uabarii chi chibari baita bari trajabarii aribiasii.

Mateo 9:22

Jesusba waya ekarrnaa ichiaped̶a mau wẽra unusiid̶e naka jarasii: —Kau, kĩrajʉʉse. Bichiba biawãra ijãasiid̶eeba aribiasii. Ara makʉd̶e mau wẽra aribiasii.

Marcos 5:34

Maud̶eeba Jesusba ichimaa jarasii: —Kau, biawãra ijãasiid̶eeba bichi aribiasii. Jirukaraayuwãe wãse bichi ẽpermo b̶uad̶a aribiasiid̶eeba.

Lucas 17:5

Maud̶e Dachi Mechiuba bʉid̶arãba ichimaa jarasid̶au: —Dai aid̶ase biꞌia ijãad̶ai baita.

Lucas 7:50

Maud̶e Jesusba wẽramaa jarasii: —Bichiba mʉʉd̶e ijãasiid̶eeba kachiruad̶ebena karibasii. Jirukaraayuwãe wãse.

Lucas 7:9

Mau ũrisiid̶e Jesusba ichi ʉ̃rʉbena biꞌia kʉ̃risiasii. Maud̶eeba chi ichi baara wãaduumaa ichiaped̶a jarasii: «Mʉʉba jaraaruu: nau ẽbẽraba ãrea ijãa b̶uu kĩra, israeld̶ebena ab̶a bid̶a unukau».

2 Tesalonicenses 1:3

Ãbarã, daiba ewaricha machi baita Dachi Akõréturu kid̶ibai abadau. Daiba maka waubadau biꞌia b̶uu. Machiba ewaricha Cristo biꞌia ijãa panuu maud̶e biꞌia chiya kʉ̃ria panuu.