Mateo 15:2 - Emberá Chamí

² —Bichi baara nibabadaurã jua jeraad̶awẽa kobadau. ¿Sakãe dachi nabẽraed̶ebenarãba jaradeaped̶aad̶a ida b̶u panuma?

Mateo 15:2 Iomraidhean Croise

Mateo 15:3

Maud̶e Jesusba panausii: —Machia bid̶a ¿sakãe Dachi Akõreba waubi b̶uu bed̶ea ida b̶ubadama ara machiba waubadau aude wau kʉ̃ria panuud̶eeba?

Marcos 7:2

Mau ẽbẽrarãba unusid̶au waabenarã Jesús baara nibabadaurã chi nuree ãchi jua jeraad̶awẽa komaa panuu. Nabẽraed̶e jua jeraabachid̶au kĩra waud̶awẽa panuud̶eeba ãchiba kachirua wau panuu a jarasid̶au.

Marcos 7:5

Maud̶e fariseorãba maud̶e Moisesba b̶ʉd̶a jaradeabadaurãba Jesusmaa id̶isid̶au: —¿Bichi baara nibabadaurãba sakãe waud̶awẽa panuma, dachi nabẽraed̶ebenarãba jaradeaped̶aad̶a kĩra? Mau ida b̶ud̶aped̶a, jua jeraad̶awẽa kobadau.

Lucas 11:38

Maamina Jesusba koi naed̶e jua jeraabasii ãchiba waubadau kĩra. Mau unusiid̶e fariseoba kuitaa kʉ̃risiabasii.

Gálatas 1:14

Judiorãba jaradeabadau mʉʉba biꞌia kuitaaruu basii mʉ ab̶aarakaurã audeara, dai nabẽraed̶ebenarãba waubachid̶au mʉʉba ãrea waubachiid̶eeba.

Colosenses 2:8

Kauwa panásturu ab̶auba machimaa setaa jararãamera, chi dachi aid̶akau biawãrawãe b̶uu kʉ̃risiabadaud̶eeba. Mau joma nabẽraed̶ebena kʉ̃risiabadau nau iujãad̶ebena jauri meserãa nureed̶ebenabʉ. Mau bed̶ea Cristod̶ebenawãebʉ.

1 Pedro 1:18

Naed̶e machi chi kʉ̃risia biawãed̶e nibabachid̶au machi nabẽraed̶ebenarãba maka jaradeabachid̶aud̶eeba. Maamina kuitaa panuu Dachi Akõreba machi maud̶ebena karibasii. Ichiba machi nedoobasii nee ãrea b̶uakauba maebʉrã parata ãrea b̶uakauba, maumaarã Cristo oa chi nejarr ãrea id̶ibadauba nedosii. Cristo chi bibuara nii oeja cheke Dachi Akõremaa baa dead̶a kĩra b̶uasii.