Mateo 15:16 - Emberá Chamí

¹⁶ Jesusba id̶isii: —¿Machia bid̶a wabid̶a adua panuu kĩra panuka?

Mateo 15:16 Iomraidhean Croise

Mateo 13:51

Maabae Jesusba id̶isii: —Mʉʉba jarad̶a ¿machiba joma kauwa ũrisid̶aka? Ãchiba panausid̶au: —Maerã, dai Mechiu.

Mateo 15:10

Maabae Jesusba ẽbẽrarã aria panuu joma iukuaped̶a naka jarasii: —Mʉ bed̶ea ũrísturu kuitaad̶amera.

Mateo 15:15

Maud̶e Pedroba Jesusmaa jarasii: —Dachiba kobadau ʉ̃rʉbena bichiba jaradead̶a daimaa biꞌia jarase.

Mateo 15:17

Joma chi ẽbẽra okarrd̶e wãaruu, b̶id̶e wãbarii maabae awara wãbarii. ¿Mau kuitaad̶awẽa panuka?

Mateo 16:11

¿Sakaburu kauwa ũrid̶awẽma, mʉʉba pan ʉ̃rʉbena berreawẽa b̶uu? Mʉʉba jarasii fariseorã masa ẽesãabibarii maud̶e saduceorãd̶e kauwa panad̶amera.

Mateo 16:9

¿Mʉʉba waud̶a machiba unusid̶amina kauwa ʉ̃rid̶awẽa panuka? ¿Kĩrabad̶awẽka pan jua ab̶ad̶ebena mʉʉba ẽbẽrarã 5.000 kobiad̶a? ¿Kĩrabad̶awẽka machiba chi ʉ̃rʉ b̶eed̶aba sãabe jab̶ara mechiu waabirubiaped̶aad̶a?

Marcos 6:52

Jesusba pan b̶istĩika b̶uud̶ebena ẽbẽrarã ãreamaa kobiasmina ãchiba wabid̶a ijãad̶awẽa panasid̶au. Poyaa kuitaad̶aabasii.

Marcos 7:18

Maud̶e Jesusba jarasii: —¿Machia bid̶a wabid̶a mau adua panuka? Ũrísturu: dachiba kobadauba Dachi Akõre daad̶e miadaa b̶ukau,

Marcos 9:32

Maamina ãchiba Jesusba maka berread̶a kuitaad̶aabasii. Ichimaa id̶id̶ai wapea panasid̶au.

Lucas 18:34

Mau ʉ̃rʉbena ãchiba b̶istĩika bid̶a kauwa ũrid̶aabasii. Ãchiba kãare kʉ̃risiad̶ai adua basiid̶eeba adua panasid̶au kãare ʉ̃rʉbena jara b̶uu.

Lucas 24:45

Maabae Jesusba ãchimaa kʉ̃risia deasii Dachi Akõre bed̶ea kuitaad̶amera.

Lucas 9:45

Maamina ãchiba Jesusba maka berread̶a kuitaad̶aabasii. Dachi Akõreba wabid̶a ãchimaa kuitaabiwẽa b̶uasii. Maud̶e Ichimaa id̶id̶ai wapea panasid̶au.

Hebreos 5:12

Machiba Jesusd̶e ijãaped̶aad̶a ãrea baaruu. Maud̶eeba id̶i machi Dachi Akõre bed̶ea jaradeabadau nuread̶ai panasid̶au. Maamina Dachi Akõre bed̶ea biꞌia adua panuud̶eeba poyaa biꞌia jaradead̶akau. Ab̶auba machimaa chi Dachi Akõre bed̶ea ʉ̃rʉbena naa jaradead̶a waya jaradeai b̶uu, ju dobiiruu kĩra. Machi warrarã kĩra nureed̶eeba, kiuru kod̶ai bad̶amaarã ju b̶aa dod̶ai panuu.