Mateo 15:10 - Emberá Chamí

¹⁰ Maabae Jesusba ẽbẽrarã aria panuu joma iukuaped̶a naka jarasii: —Mʉ bed̶ea ũrísturu kuitaad̶amera.

Mateo 15:10 Iomraidhean Croise

Mateo 13:19

Netaa od̶e pod̶aba nau jara b̶uu: Bajãad̶e B̶uuba ichid̶irã ichi juad̶e ua b̶uu ʉ̃rʉbena ab̶a bid̶a ũriped̶a kuitaawẽebʉrã, jʉbawãe niiba mau bed̶ea ichi sõd̶e need̶a kʉde b̶eebikau ijãarãamera.

Mateo 15:11

Dachiba kobadauba Dachi Akõre daad̶e miadaa b̶ukau. Maumaarã dachi okarrd̶ebena cheeruuba dachi miadaa waubibarii.

Mateo 15:9

Mʉ bari kʉ̃riabadau. Mʉ bed̶ea jaradead̶ai bad̶amaarã, ẽbẽra kʉ̃risiaburu jaradeabadau.

Mateo 24:15

»Dachi Akõre baita berreabarii Danielba kartad̶e b̶ʉsii chi kachirua Dachi Akõreba kʉ̃riakau b̶ui, Dachi Akõre de mechiud̶e de jã ed̶a chi bibuara b̶uud̶e. (Chi karta ed̶a jara b̶uuba kãare ed̶a jara b̶uu kauwa kuitaai b̶uu). Machiba mau unuuduud̶e Judea druad̶e nuree ead̶aa miru wãd̶ai panuu.

Lucas 24:45

Maabae Jesusba ãchimaa kʉ̃risia deasii Dachi Akõre bed̶ea kuitaad̶amera.

Efesios 1:17

Mʉʉba Dachi Mechiu Jesucristo Akõremaa, chi Akõre biꞌia niimaa ʉtaa id̶ibarii ichi Jaurid̶eeba machimaa biꞌia kʉ̃risiabiamera maud̶e ichi ʉ̃rʉbena kuitaabiamera. Maka machiba ichi aude kuitaad̶ai.

Colosenses 1:9

Maka ũrisid̶aud̶eed̶ebena daiba machi baita ewaricha Dachi Akõremaa ʉtaa id̶i panuu ichiba waubi kʉ̃ria b̶uu machimaa joma kuitaabiamera. Mau awara ʉtaa id̶i panuu ichiba maarãmaa kʉ̃risia kuitaa maud̶e kauwa ũri ichi Jaurid̶eeba joma deamera.

Santiago 1:5

Machid̶ebena ab̶aba kʉ̃risia kuitaawẽa niibʉrã, Dachi Akõremaa ʉtaa id̶ii b̶uu. Maabae Dachi Akõreba deai. Ichimaa ʉtaa id̶iiduubʉrã iadaawẽa sõbiad̶eeba jomaurãmaa deabarii.