Mateo 14:6 - Emberá Chamí

⁶ Herodes chi naweba adaud̶a ewari kĩrajʉʉ wau panuud̶e Herodías kau jomaurã daad̶e baerasii. Mauba Herodes ãrea kĩrajʉʉsii.

Mateo 14:6 Iomraidhean Croise

Mateo 14:3

Herodesba mau jarasii Juan beabisiid̶eeba. Mau naka b̶uasii: Herodesba ara ichi ãba Felipe wẽra Herodías abadau adausii. Maamina Juanba ichimaa jarabachii: «Moisesba b̶ʉd̶ad̶e jara b̶uu bichi ãba wẽra adaubai b̶uu». Maud̶eeba Herodesba Juan jidaubiped̶a kaenaba jʉ̃biped̶a jʉ̃abadau ded̶e jʉ̃abisii.

Mateo 14:7

Maud̶eeba mau ãweramaa bed̶ea deasii ne barikia ichiba id̶iiruu deai baita.

Mateo 22:24

—Jaradeabarii, Moisesba jarasii ẽbẽra ab̶a warrwãe b̶uud̶e biuruubʉrã, ichi ãbaba chi pẽdrãa wẽra adaui b̶uu chi ãba biud̶a baita warr adaui baita.

Marcos 6:14

Herodes Galilea druad̶ebena chi rey basii. Mau Herodesba Jesusba waud̶a ʉ̃rʉbena ũrisii, ãreaba mau ʉ̃rʉbena berreasid̶aud̶eeba. Chi nureeba naka jarabachid̶au: «Juan chi Boro Eabarii chokae jiradusii. Maud̶eeba joma ẽbẽrarãba ne poyaa waud̶akau poyaa waubarii».

Marcos 6:17

Herodesba Juan beabid̶a naka b̶uasii: Herodesba ara ichi ãba Felipe wẽra adausii. Mau wẽra Herodías abachid̶au. Herodesba ichi ãyure adausiid̶eeba Juanba jarabachii: «Moisesba b̶ʉd̶ad̶e jara b̶uu bichi ãba wẽra adaubai b̶uu». Maud̶eeba Herodesba Juan jidaubiped̶a kaenaba jʉ̃biped̶a jʉ̃abadau ded̶e jʉ̃abisii.

Marcos 6:19

Mau awara Herodiasba Juan kĩramaa b̶uasii. Ichi beabii kʉ̃ria b̶uasmina poyaa makaabasii.

Marcos 8:15

Maud̶e Jesusba jarasii: —Fariseorã masa ẽesãabibarii maud̶e Herodesd̶e sid̶a, kauwa panásturu.

Lucas 13:31

Mau ewarid̶e waabenarã fariseorã need̶aped̶a Jesusmaa jarasid̶au: —Namabena isa wãse. Herodesba bichi beai kʉ̃ria b̶uu.

Lucas 23:11

Maka panuud̶e Herodesba maud̶e ichi kokoroarã bid̶a Jesús kachirua jara duanasid̶au. Paru ʉ̃rʉ jʉ̃barii mipitaa Jesusmaa jʉ̃bid̶aped̶a ichi atua jara duanasid̶au. Mau maad̶akare Herodesba ichi Pilatomaa waya bʉisii.

Lucas 23:7

Arabena b̶uu kuitaasiid̶e Jesús Herodesmaa bʉisii ichi juad̶e b̶umera. Herodes Galilead̶e chi jaradea ua b̶uabarii basii maamina mau ewarid̶e Jerusalén puurud̶e b̶uasii.

Lucas 3:1

Tiberio César 15 años Romad̶ebena chi aude mechiu niid̶e Poncio Pilato Judea druad̶e chi jaradea ua b̶uabarii basii. Herodes Galilea druad̶e chi jaradea ua b̶uabarii basii. Chi ãba Felipe Traconite druad̶e maud̶e Iturea druad̶e chi jaradea ua b̶uabarii basii. Lisánias Abilene druad̶e chi jaradea ua b̶uabarii basii.

Lucas 3:19

Maamina Juanba Galilead̶ebena chi jaradea ua b̶uabarii Herodes iadaabachii mauba wẽra uru b̶uu Herodías kakua. Mau Herodías biawãra Herodes ãba Felipe wẽra basii. Mau awara Juanba ichi iadaabachii ne joma kachirua waud̶a kakua.

Lucas 8:3

Cuza wẽra Juana sid̶a b̶uasii. Cuzaba Herodes ded̶ebena joma nubachii. Susana sid̶a b̶uasii. Mau awara waabena wẽrarã ãrea panasid̶au. Maarãba Jesús ne kaebea deabachid̶au aid̶ad̶ai baita.

Hechos 12:1

Mau ewarid̶e chi rey Herodesba chi nuree ãbarã jidaubiaped̶a kachirua waubiasii.

Hechos 4:27

Ara mau kĩra nau puurud̶e Herodes, Poncio Pilato, judiowãerã maud̶e Israel puurud̶ebenarãba bed̶ea deasid̶au chi bichi baita bari trajabarii jipa nii Jesús bead̶ai baita. Bichiba ichi Dachi Mechiu b̶ud̶amina,