Mateo 14:5 - Emberá Chamí

⁵ Juan beabii kʉ̃ria b̶uasmina puurud̶ebenarã wapea b̶uasiid̶eeba poyaa makawẽa b̶uasii. Puurud̶ebenarãba kʉ̃risia panasii Juan Dachi Akõre baita berreabarii.

Mateo 14:5 Iomraidhean Croise

Mateo 11:9

Mau ¿kãare unud̶ai kʉ̃risiasid̶ama? ¿Dachi Akõre baita berreabarii unud̶ai kʉ̃risiasid̶aka? Maerã, Dachi Akõre baita berreabarii ichiad̶e wãsid̶au. Juan Dachi Akõre baita berreabarii chi mechiu nii.

Mateo 21:26

Maamina ¿saka jarad̶aima mau ẽbẽrarãba bʉiped̶aad̶a?» Chi ẽbẽrarã wapea panasid̶au, Juan biawãra Dachi Akõre baita berreabarii basii a kʉ̃risiasid̶aud̶eeba.

Mateo 21:32

Juanba jaradead̶akad̶e nee b̶uasii, ãchi jipa nuread̶amera, maamina ijãad̶aabasii. Maamina Romad̶ebena baita chi nejarra pebadaurãba maud̶e wẽrarã aud̶uabadaurãba ijãasid̶au. Maud̶e machiba mau unusid̶amina machi kachirua waud̶ai ida b̶ud̶aabasii, ichi bed̶ea ijãad̶ai baita.

Lucas 20:6

Maamina ẽbẽraba bʉisii aaduubʉrã, puurud̶ebenarãba dachi mokaraba b̶ata bead̶ai. Puurud̶ebenarãmaarã Juan Dachi Akõre baita berreabarii basii».

Hechos 4:21

Maabae chi karrarã aria duanuuba maucha jarasid̶au maka jarabirãad̶amera. Ãchiba jidau panasmina kastikad̶ai baita, ẽbẽrarã kakua wapea duanuud̶eeba ida b̶usid̶au. Ẽbẽrarã joma Dachi Akõremaa biꞌia berreasid̶au,

Hechos 5:26

Ara makʉd̶e Dachi Akõre de mechiu nubadaurã chi jaradea ua b̶uabarii chi waabenarã nubadaurã baara jidaud̶e wãd̶aped̶a, wapeaba maarã kĩra jipa eneesid̶au, ẽbẽrarãba ãchimaa mokaraba b̶atad̶ai a kʉ̃risiasid̶aud̶eeba.