Mateo 14:2 - Emberá Chamí

² Maud̶eeba ichiba chi trajabadaurãmaa jarasii: «¡Jãu Juan chi Boro Eabarii chokae jiradud̶a! Maud̶éburu joma ẽbẽrarãba ne poyaa waud̶akau poyaa waubarii».

Mateo 14:2 Iomraidhean Croise

Mateo 11:11

»Mʉʉba biawãra jaraaruu: nau druad̶e ab̶a bid̶a Juan audeara mechiu wãꞌãe. Maamina Bajãad̶e B̶uuba ichid̶irã ichi juad̶e ua b̶uud̶ebena chi aude kaebeu nii ichi audeara chi mechiu nii.

Mateo 16:14

Ãchiba jarasid̶au: —Chi nureeba jara panuu bichi Juan chi Boro Eabarii. Waabenarãba jara panuu bichi Elías. Waabenarãba jara panuu bichi Jeremías maebʉrã Dachi Akõre baita berreabarii.

Mateo 3:1

Mau maad̶akare Juan chi Boro Eabarii Judea drua sirua wãꞌãe b̶uud̶e jaradea kob̶eesii.

Marcos 6:14

Herodes Galilea druad̶ebena chi rey basii. Mau Herodesba Jesusba waud̶a ʉ̃rʉbena ũrisii, ãreaba mau ʉ̃rʉbena berreasid̶aud̶eeba. Chi nureeba naka jarabachid̶au: «Juan chi Boro Eabarii chokae jiradusii. Maud̶eeba joma ẽbẽrarãba ne poyaa waud̶akau poyaa waubarii».

Marcos 8:28

Ãchiba panausid̶au: —Chi nureeba jara panuu bichi Juan chi Boro Eabarii. Chi nureeba jara panuu bichi Elías. Waabenarãba jara panuu bichi Dachi Akõre baita berreabarii.

Lucas 9:7

Herodes Galilea druad̶ebena chi jaradea ua b̶uabarii basii. Mau Herodesba joma Jesusba wau b̶uu ʉ̃rʉbena ũrisii. Ichiba kãare kʉ̃risiai adua b̶uasii waabenarãba naka jara panuud̶eeba: —Juan chi Boro Eabarii chokae jiradusii.

Juan 10:41

Maka b̶uud̶e ãrea ẽbẽrarã ichimaa wãbachid̶au. Ãchi chiya naka jarabachid̶au: «Juanba ẽbẽrarãba ne poyaa waud̶akau wauka basii maamina joma ichiba nau Jesús ʉ̃rʉbena jarad̶a biawãrabʉ».