Mateo 13:44 - Emberá Chamí

⁴⁴ Bajãad̶e B̶uuba ichid̶irã ichi juad̶e ua b̶uu chi nejarra iorod̶e mera b̶ud̶a kĩra b̶uu. Mau chi nejarra ẽbẽraba unuped̶a chi b̶uad̶amaa mera b̶usii. Maabae kĩrajʉʉ wãped̶a joma ichiba uru b̶uu nedobʉiped̶a chi drua nedosii.

Mateo 13:44 Iomraidhean Croise

Mateo 13:24

Maabae Jesusba june nebʉrʉsii jaradeai baita: «Bajãad̶e B̶uuba ichid̶irã ichi juad̶e ua b̶uu nau kĩra b̶uu. Ẽbẽra b̶uasii. Mau ẽbẽraba ichi druad̶e trigo taa biꞌia kau uusii.

Mateo 13:46

Maka b̶uud̶e ab̶a chi nejarr ãrea id̶ibadau unusii. Ara makʉd̶e ichiba uru b̶uu joma nedobʉiped̶a mau perla nedosii.

Mateo 13:47

»Bajãad̶e B̶uuba ichid̶irã ichi juad̶e ua b̶uu ãtarraya kĩra b̶uu. Ãtarrayaba do b̶ataaduud̶e b̶eda barikia jidaubadau.

Mateo 19:21

Maud̶e Jesusba ichimaa jarasii: —Bichi biawãra jipa b̶uai kʉ̃ria b̶uubʉrã, bichiba uru b̶uu joma nedobʉid̶e wãped̶a chi nejarr barauwãe nureerãmaa dead̶akase. Maka bajãad̶e ne bia uru b̶uai. Maabae mʉ baara nibad̶e neese.

Mateo 19:27

Maud̶e Pedroba Jesusmaa jarasii: —Daiba joma b̶ʉisid̶au bichi baara wãd̶ai baita. ¿Maka b̶uubʉrã mau kuenda kãare adaud̶aima?

Mateo 19:29

Mʉ kakua ab̶auba ichi de, ãbarã, neekaurã, akõre, nawe, kima, warrarã maud̶e chi drua b̶ʉiruubʉrã, ichiba b̶ʉid̶a audeara 100 adaui maud̶e Dachi Akõre ome ewaricha chokae b̶uai.

Lucas 14:33

»Ara mau kĩra mʉ baara wãd̶ai naed̶e machid̶ebenarã ab̶a joma chi uru b̶uu ida b̶ui ʉ̃rʉbena kʉ̃risiawẽebʉrã mʉ ome poyaa nibaabai.

Juan 6:35

Jesusba jarasii: —Mau Mʉʉbʉ. Mʉ chi chokae b̶uabibarii panbʉ. Maud̶eeba chi mʉʉmaa neeruu waa jarrbisia b̶uabai maud̶e chi mʉʉd̶e ijãa b̶uu waa obisia b̶uabai.

Romanos 15:4

Joma Dachi Akõre bed̶ead̶e b̶ʉd̶a dachimaa jaradeai baita b̶uu. Dachi sõbiabiabarii maud̶e aid̶abarii joma dauchia jãadua panad̶amera. Maka dachiba biawãra kuitaa panuu Dachi Akõre ome ewaricha biꞌia panad̶ai.

Colosenses 2:3

Ichiaburu Dachi Akõre kʉ̃risia kuitaad̶ai maud̶e ne ãrea kuitaad̶ai baita poyaa deai. Mau kʉ̃risia kuitaad̶ai maud̶e ne kuitaad̶ai ãrea biꞌia nuree.

Colosenses 3:16

Bed̶ea Cristo ʉ̃rʉbena machi sõd̶e uru panásturu. Joma Dachi Akõre kuitaad̶eeba chiya jaradeásturu maud̶e chiya aid̶ásturu biꞌia ijãad̶ai baita. Dachi Akõre bed̶ead̶e b̶ʉ kub̶uu karísturu, ãbarãba karibadau maud̶e Dachi Akõre Jauriba karibi b̶uu sid̶a Dachi Akõremaa karísturu. Sõd̶eeba ichíturu kid̶ibai jara panuud̶eeba karísturu.

Hebreos 10:34

Chi Cristo kakua jʉ̃aped̶aad̶a machiba aid̶asid̶au. Maud̶e machiba ne uru b̶ead̶a kĩrajʉʉ ida juakaa adaubiasid̶au, kuitaa panuud̶eeba mau audeara ne bia wãꞌãekau bajãad̶e uru panuu.

Apocalipsis 3:18

Maud̶eeba mʉʉba machimaa naka kʉ̃risia dearuu: Nee tʉbʉchiad̶e dorrb̶arid̶a nedósturu mʉʉd̶ebena. Maka machi biawãra barau nuread̶ai. Maud̶e mʉʉd̶ebena paru torr nedósturu jʉ̃d̶ai baita. Maka nejasiad̶aabai machi ãkad̶aa panasiid̶eeba. Maud̶e mʉʉd̶ebena daud̶e taabadau nedósturu, mauba taad̶aped̶a biꞌia ichiad̶amera.