Mateo 12:44 - Emberá Chamí

⁴⁴ Maud̶eeba ichi du ab̶a naka jarabarii: “Mʉ b̶uad̶amaa waya wãi”. Ara baaruud̶e, mau ẽbẽra sõd̶e de dumadu kub̶uu kĩra unubarii. Kʉd̶a biꞌia nejarr wãꞌãe b̶uu maud̶e joma biꞌia kub̶uu unubarii.

Mateo 12:44 Iomraidhean Croise

Mateo 12:29

Ẽbẽra dadarraa nii naa jʉ̃wẽebʉrã, ¿saka ichi ded̶e ed̶a nechiruad̶e wãima? Ab̶a maka jʉ̃ nub̶uuruubʉrã poyaa chiruai b̶uu.

Mateo 12:43

»Ẽbẽra kakuad̶ebena wãaruud̶e chi jai kachirua drua sirua wãꞌãe b̶uud̶e jʉrʉ b̶uabarii bari b̶uai baita, maamina mau unukau.

Mateo 12:45

Maabae 7 jai kachiruarã ichi audeara kachirua b̶ee mau ẽbẽramaa eneeped̶a chi ẽbẽra sõd̶e ed̶a panad̶e wãbadau. Maud̶eeba chi ẽbẽra chi naa b̶uad̶a audeara kachirua b̶eebarii. Ara mau kĩra chi mʉʉd̶e ijãad̶awãe panuu baita machi, chi id̶ibaebenarã kachiruarã baraa aude kachiruad̶e paneed̶ai».

Lucas 11:25

Ara baaruud̶e kʉd̶a biꞌia nejarr wãꞌãe b̶uu maud̶e joma biꞌia kub̶uu unubarii.

Juan 12:6

Maamina ichiba maka jaraabasii chi nejarr barauwãe nuree aid̶ai kʉ̃risia b̶uasiid̶eeba, maumaarã maka jarasii nechiruabariid̶eeba. Ãchi chi nejarra nubadau ũabisa ichiba uru b̶uabachii maamina maud̶ebena chiruabachii.

Juan 13:2

Ẽsabud̶aa baaruud̶e komaa panasid̶au. Mau naed̶e jʉbawãe niiba Simón warr Judas Iscariote sõd̶e kʉ̃risiabisii Jesús jidaubii baita.

Juan 13:27

Judasba mau kod̶akare Satanás juad̶e b̶eesii. Maud̶e Jesusba Judasmaa jarasii: —Bichiba waui b̶uu isa wause.

1 Corintios 11:19

Biawãra machi kʉ̃risia aꞌawaraa panuud̶eeba unubid̶ai kairã Dachi Akõreba biꞌia unu b̶uu.

Efesios 2:2

Maka nibasid̶au nau iujãad̶ebena kʉ̃risia ijãa panasiid̶eeba maud̶e jai kachiruarã chi aude mechiu nii ijãa panasiid̶eeba. Id̶ibae ichiba chi Dachi Akõre bed̶ea ijãad̶akaurã ichi juad̶e ua b̶uu.

1 Juan 2:19

Maarã dachi baara panad̶a wãsid̶au, maamina biawãra dachid̶ebenawãe basii. Maarã biawãra dachid̶ebena basirã, dachi baara wabid̶a ãbua panad̶ai basii. Maamina mau makasii biꞌia kuitaad̶amera joma dachid̶ebenawãe nuree.

1 Juan 4:4

Mʉ warrarã, machi Dachi Akõred̶ebʉ. Machiba maarãmaa ida setaa kũruabiad̶aabasii, chi machi sõd̶e b̶uu chi nau iujãad̶e b̶uu audeara poyaabarii b̶uud̶eeba.