Mateo 12:39 - Emberá Chamí

³⁹ Maamina Jesusba jarasii: —Machi id̶ibaebena kachiruarãba Dachi Akõred̶e ijãad̶ai ida b̶u panuu. Machiba mʉ bajãad̶ebena nee b̶uu kuitaad̶ai baita kʉ̃ria panuu mʉʉba ẽbẽrarãba ne poyaa waud̶akau waui. Maamina mʉʉba ẽbẽrarãba ne poyaa waud̶akau waubai. Machiba ab̶aburu chi Dachi Akõre baita berreabarii Jonasba makad̶a kĩra unud̶ai.

Mateo 12:39 Iomraidhean Croise

Mateo 16:4

Machi chi id̶ibaebenarã kachiruarãba Dachi Akõred̶e ijãad̶ai ida b̶u panuu. Id̶i panuu mʉʉba ẽbẽrarãba ne poyaa waud̶akau waumera. Maamina mʉʉba maka waubai. Machiba ab̶aburu Jonás maka b̶uad̶a kĩra unud̶ai». Maabae Jesús ãchi b̶ʉiped̶a wãsii.

Marcos 8:12

Ãchiba maka waa jara panuud̶eeba Jesús id̶u ʉ̃yabaped̶a jarasii: —Id̶ibena ẽbẽrarãba ¿sakãe ẽbẽrarãba ne poyaa waud̶akau unu kʉ̃ria panuma? Biawãra ara mʉʉba jaraaruu: mʉ Dachi Akõred̶ebena nee b̶uu kuitaad̶amera mʉʉba ẽbẽrarãba ne poyaa waud̶akau waubai.

Marcos 8:38

Ab̶auba mʉ ʉ̃rʉbena kĩrakayaaruubʉrã maud̶e mʉ bed̶ead̶e, mʉ, chi Ẽbẽra Ba B̶uad̶a neeruud̶e mau ẽbẽra kakua kĩrakaya b̶uai. Mau ewarid̶e mʉ Chachaba mʉʉmaa poyaabarii dead̶ad̶eeba neei, chi ichi angelerã biꞌia nuree baara».

Santiago 4:4

Junebena wẽra ome kãiduu kĩra machiba Dachi Akõre ida b̶uu panuu nau iujãad̶ebenarãba waubadau kĩra waud̶ai baita. ¿Machiba wabid̶a adua panuka chi nau iujãad̶ebena kʉ̃ria b̶uu Dachi Akõre ome chi kĩramaa? Biawãra barikiuba nau iujãad̶ebena kʉ̃ria b̶uubʉrã, Dachi Akõre ome chi kĩramaa b̶eei.