Mateo 12:38 - Emberá Chamí

³⁸ Mau maad̶akare waabenarã Moisesba b̶ʉd̶a jaradeabadauba, fariseorã bid̶a Jesusmaa jarasid̶au: —Jaradeabarii, daiba kʉ̃ria panuu bichiba ẽbẽrarãba ne poyaa waud̶akau waui. Makarã kuitaad̶ai bichi bajãad̶ebena need̶a.

Mateo 12:38 Iomraidhean Croise

Lucas 11:16

Maud̶e Jesús Dachi Akõred̶ebena nee b̶uu kuitaad̶ai baita waabenarãba ichimaa id̶isid̶au ẽbẽrarãba ne poyaa waud̶akau waumera.

Lucas 11:29

Ẽbẽrarã ãrea ichimaa needuu unusiid̶e Jesusba jarasii: «Machi id̶ibaebena kachiruarã nuree. Machiba mʉ bajãad̶ebena nee b̶uu kuitaad̶ai baita kʉ̃ria panuu mʉʉba ẽbẽrarãba ne poyaa waud̶akau waui. Maamina mʉʉba ẽbẽrarãba ne poyaa waud̶akau waubai. Machiba ab̶aburu Jonasba makad̶a kĩra unud̶ai.

Juan 2:18

Maka b̶uud̶e paare mechiurã aria panasid̶au. Maarãba Jesusmaa jarasid̶au: —Daimaa unubiáse Dachi Akõreba bichimaa jãka waubi b̶uu.

Juan 4:48

Jesusba ichimaa jarasii: —Machiba ẽbẽrarãba ne poyaa waud̶akau unud̶awẽebʉrã mʉʉba jara b̶uu ijãad̶aabai.

Juan 6:30

Maud̶eeba ãchiba Jesusmaa id̶isid̶au: —¿Bichiba daimaa kãare unubiaima bichi bed̶ea ijãad̶amera? Dachi nabẽrarãba drua sirua wãꞌãe b̶uud̶e maná kosid̶au. Dachi Akõre bed̶ead̶e jara b̶uu: “Ichiba bajãad̶ebena pan deasii ãchiba kod̶amera”. ¿Bichiba kãare sãaima?

1 Corintios 1:22

Chi judiorãba, Cristod̶e ijãad̶ai baita, ẽbẽrarãba ne poyaa waud̶akau unu kʉ̃riabadau. Chi judiowãerãba nau iujãad̶ebena kʉ̃risia kuitaa jʉrʉbadau.