Mateo 12:27 - Emberá Chamí

²⁷ Machimaarã, mʉʉba Beelzebú poyaad̶eeba jai kachiruarã duabʉi b̶uubʉrã, makarã machi baara nibabadaurãba ¿kai poyaad̶eeba jai duabʉibadama? Ara ãchiba unubibadau machi biꞌia kʉ̃risiad̶awẽa panuu.

Mateo 12:27 Iomraidhean Croise

Mateo 4:24

Maud̶eeba ichi joma Siria druad̶ebenarãba trʉ̃ poasid̶au. Maud̶eeba ẽbẽrarãba joma barikiu ẽpermo nureerã eneebachid̶au, kakua puꞌua nuree, jai kachirua bara nuree, kakua wawaaduuba biꞌiwãe nuree maud̶e b̶akara suriidu nuree ichimaa eneebachid̶au. Jesusba ãchi joma aribiabibachii.

Mateo 9:34

Maamina fariseorãba jara duanasid̶au: —Jãu Jesusba jai kachirua duabʉibarii, jai kachiruarã karrba mau poyaabarii deasiid̶eeba.

Lucas 11:19

»Machimaarã mʉʉba Beelzebú poyaad̶eeba jai kachiruarã duabʉi b̶uubʉrã, makarã machi baara nibabadaurãba ¿kai poyaad̶eeba jai duabʉibadama? Ara ãchiba unubibadau machi biꞌia kʉ̃risiad̶awẽa panuu.

Lucas 19:22

»Maud̶eeba chi jaradea ua b̶uabariiba jarasii: “Mʉ baita bari trajabarii kachirua, biawãra bichiba jara b̶uud̶eeba kuitaa b̶uu mʉʉba jarad̶a waubasii. Bichiba mʉ maka nii ãrea kuitaa b̶uasiibʉrã ¿sakãe mʉ nejarra, chi nejarra nubadau ded̶e b̶uud̶e wãabasma? Makad̶a basirã mʉ chi nejarra aude maucha adaui basii”.

Romanos 3:19

Mau bed̶ea Dachi Akõre bed̶ead̶e b̶uu chi mau b̶ʉd̶a ũri nureerãmaa jara b̶uu. Maka ab̶au bid̶a poyaa kachiruaswãe b̶uu a jarad̶aabai. Mau Moisesba b̶ʉsiid̶eeba kuitaa panuu joma nau iujãad̶ebenarã Dachi Akõre daad̶e nebʉra bara panuu.