Mateo 12:18 - Emberá Chamí

¹⁸ Naka jarasii: Nau mʉʉba jʉrʉ adaud̶a, chi mʉ baita bari trajabariibʉ. Mʉʉba ichi kʉ̃ria b̶uu. Ichi kakua mʉ biawãra kĩrajʉʉ b̶uu. Mʉ Jauri ichimaa deai. Ichiba puuru b̶eecha mʉʉba jipa waui ʉ̃rʉbena jarai.

Mateo 12:18 Iomraidhean Croise

Mateo 12:17

Mau makasii Dachi Akõre baita berreabarii Isaiasba jarad̶a kĩra.

Mateo 17:5

Pedro maka berrea b̶uud̶e jʉ̃rʉara ʉ̃d̶aa b̶uu ãchi ʉ̃rʉ neesii. Mau jʉ̃rʉarad̶ebena nau bed̶ea jĩwa ũrisid̶au: «Nau mʉ Warrbʉ. Mʉʉba mau ãrea kʉ̃ria b̶uu maud̶e mau kakua kĩrajʉʉ b̶uu. Mauba jara b̶uu ũrísturu».

Marcos 1:11

Bajãad̶ebena mimi ab̶a ũrisid̶au. Naka jarasii: «Bichi mʉ Warr chi mʉʉba kʉ̃ria inii. Bichi kakua mʉ ãrea kĩrajʉʉ b̶uu».

Marcos 9:7

Maka b̶uud̶e jʉ̃rʉara ãchi ʉ̃rʉ neesii. Mau jʉ̃rʉarad̶ebena nau bed̶ea jĩwa ũrisid̶au: «Nau mʉ Warrbʉ. Mʉʉba mau ãrea kʉ̃ria b̶uu. Mauba jara b̶uu ũrísturu».

Lucas 23:35

Joma mau ẽbẽrarãba ichia duanasid̶au. Maud̶e chi karrarãba ichi atua jara duanasid̶au: —Waabenarã karibasii. Nau chi Dachi Akõreba Dachi Karibabarii deai jarad̶abʉrã maud̶e Ichiba Bʉid̶abʉrã, ¿sakãe ara ichi du ab̶a poyaa karibawẽma?

Lucas 3:22

Ewaped̶a Dachi Akõre Jauri bajãad̶ebena paloma kĩra ichi ʉ̃rʉ neesii. Maud̶e bajãad̶ebena mimi ab̶a ũrisid̶au. Naka jarasii: «Bichi mʉ Warr chi mʉʉba kʉ̃ria inii. Bichi kakua mʉ ãrea kĩrajʉʉ b̶uu».

Lucas 4:18

«Dachi Akõre Jauri mʉ ome b̶uu. Mauba mʉ b̶usii chi ne wãꞌãe nureerãmaa jaramera Dachi Akõreba ãchi karibai. Ichiba mʉ bʉisii chi kĩra nomaa nuree sõbia paneebiamera, jidau adoeped̶aad̶arã enatad̶ai jaramera, dau pãriu nureerã unubiamera, chi barau nuree juad̶e biꞌiwãe nuree juakaa adaud̶amera, maud̶e jaramera Dachi Mechiuba ẽbẽrarã ne bia waui ewari basii».

Lucas 9:35

Ara makʉd̶e mimi jʉ̃rʉarad̶e ũrisid̶au. Mauba naka jarasii: «Nau mʉ Warrbʉ, mʉʉba jʉrʉ adaud̶a. Mauba jara b̶uu ũrísturu».

Juan 3:34

Dachi Akõreba bʉid̶aba Dachi Akõre bed̶ea jarabarii, Dachi Akõreba ichi Jauri wãakawẽa deasiid̶eeba.

Hechos 10:38

Mau ewarid̶e Dachi Akõreba ichi Jauri maud̶e ichi poyaabarii Jesús Nazaretd̶ebenamaa deasii. Dachi Akõre ichi ome b̶uasiid̶eeba Jesusba ne bia wau nibasii maud̶e ẽbẽrarã jʉbawãe niiba kachirua uru panuu joma aribiabiabachii.

Hechos 11:18

Jerusalend̶ebena ãbarãba mau ũrisid̶aud̶e waa kachirua jarad̶aabasii, maumaarã Dachi Akõremaa naka biꞌia berreasid̶au: —¡Biawãra Dachi Akõreba judiowãerã karibasii ãchi kachirua ida b̶ud̶aped̶a ichimaa need̶amera! ¡Maka ewaricha ichi baara chokae panad̶ai!

Hechos 14:27

Need̶aped̶a ãbarã araa ãbua imisid̶au. Maud̶e nebʉrʉsid̶au joma Dachi Akõreba ãchid̶eeba waud̶a. Jarasid̶au saka Dachi Akõreba wausii judiowãerã bid̶a Jesusd̶e ijãad̶amera.

Efesios 1:6

Ichi sõbia ãrea b̶uud̶eeba dachi karibasii ichiba kʉ̃ria b̶uu Warrd̶eeba. Mau baita ichimaa biꞌia berread̶ai panuu.

Colosenses 1:1

Mʉ Pablobʉ. Mʉ Jesucristoba bʉid̶abʉ, Dachi Akõreba mau kʉ̃riasiid̶eeba. Dachi ãba Timoteo mʉ ome b̶uu.

Colosenses 1:13

Dachi Akõreba chi jʉbawãe nii pãriud̶ebena dachi karibaped̶a b̶usii ichi Warr kʉ̃ria nii juad̶e ichid̶irã baara ua b̶uamera.

1 Pedro 2:4

Dachi Mechiu Jesucristomaa nésturu. Ichi chokae b̶uu, de waui baitabena mo kĩra b̶uu. Ẽbẽrarãba ichi ida b̶usid̶au, maamina Dachi Akõreba mo bia maud̶e chi mau nejarr ãrea id̶ibadau jʉrʉ adausii.

2 Pedro 1:17

Dachi Bajãad̶ebena Akõreba ichi ʉ̃rʉbena biꞌia jarasiid̶e maud̶e chi mechiu nii unubiasiid̶e dai aria panasid̶au. Dachi Akõre chi mechiu ãrea kĩrawãrea niiba naka jarasii: «Nau mʉ Warrbʉ. Mʉʉba mau ãrea kʉ̃ria b̶uu maud̶e mau kakua kĩrajʉʉ b̶uu. Mauba jara b̶uu ũrísturu».