Mateo 11:4 - Emberá Chamí

⁴ Jesusba ãchimaa naka panausii: —Machiba unu panuu maud̶e ũri panuu Juanmaa jarad̶e wã́sturu.

Mateo 11:4 Iomraidhean Croise

Mateo 11:3

—¿Bichi chi neei b̶uad̶aka, maebʉrã june ab̶a esed̶aud̶ai panuka?

Mateo 11:5

Dau pãriu nuread̶a unu panuu; nʉka nuread̶a biꞌia nuree; kakua chau nuread̶a anid̶aped̶a nuree; kʉʉrʉ kiape nuread̶a jãabae ũri panuu; biuped̶aad̶arã waya chokae nuree. Mau awara chi nejarr barauwãe nureerãmaa chi bed̶ea bia Dachi Akõre karibai ʉ̃rʉbena ũri panuu.

Mateo 15:30

Maabae ẽbẽrarã ãrea ichi b̶uumaa neesid̶au. Maarãba jʉ̃rʉ nʉka nuree, dau pãriu nuree, bosara nuree, jua morraa nuree maud̶e waabenarã ẽpermo nureerã eneesid̶au. Mau joma Jesús kĩraare duanuud̶e neesid̶au. Maabae ichiba joma aribiabiasii.

Mateo 21:14

Jesús Dachi Akõre de mechiu dud̶a b̶uasiid̶e dau pãriu nuree maud̶e jʉ̃rʉ nʉka nuree ichimaa imisid̶au. Maud̶e ãchi aribiabiasii.

Mateo 8:3

Maud̶e Jesusba chi ẽbẽra jua ʉ̃rʉ kub̶uped̶a jarasii: —Maka wau kʉ̃ria b̶uu. ¡Aribiáse! Ara makʉd̶e mau kakua chau nii bad̶a anisii.

Juan 14:11

Ijã́sturu mʉ, mʉ Chacha ome b̶uu maud̶e mʉ Chacha mʉ ome b̶uu. Mʉʉba maka jara b̶uu machiba ijãad̶awẽa panuubʉrã, mʉʉba wau b̶uu kakua ijã́sturu.

Juan 5:36

»Maamina Juanba jarad̶a audeara nau mʉ ʉ̃rʉbena biꞌia berrea b̶uu: Mʉ Chachaba waubi b̶uu mʉʉba joma wau b̶uud̶eeba kuitaabi b̶uu mʉ Chachaba mʉ biawãra bʉisii.