Mateo 11:27 - Emberá Chamí

²⁷ »Mʉ Chachaba mʉʉmaa ara ichi ʉ̃rʉbena joma kuitaabisii. Ab̶au bid̶a adua panuu mʉ, chi Warr saka nii; ab̶a mʉ Chacháburu kuitaa b̶uu. Ara mau kĩra ab̶au bid̶a adua panuu mʉ Chacha saka nii; ab̶aburu mʉ, chi Wárrburu kuitaa b̶uu. Mʉʉba ab̶aumaa mʉ Chacha kuitaabiiruubʉrã, mau ẽbẽraba kuitaai.

Mateo 11:27 Iomraidhean Croise

Mateo 28:18

Maud̶e Jesús ãchi kaita neeped̶a jarasii: —Dachi Akõreba mʉʉmaa chi poyaabarii deasii bajãad̶e, maud̶e nau iorod̶e joma poyaa uru b̶uamera.

Lucas 10:22

»Mʉ Chachaba mʉʉmaa ara ichi ʉ̃rʉbena joma kuitaabisii. Ab̶au bid̶a adua panuu mʉ, chi Warr saka nii; ab̶a mʉ Chacháburu kuitaa b̶uu. Ara mau kĩra ab̶au bid̶a adua panuu mʉ Chacha saka nii; ab̶aburu mʉ, chi Wárrburu kuitaa b̶uu. Mʉʉba ab̶aumaa mʉ Chacha kuitaabiiruubʉrã, mau ẽbẽraba kuitaai».

Juan 1:18

Ab̶au bid̶a Dachi Akõre unud̶akau. Maamina chi Warr ab̶aburu nii Dachi Akõred̶eeba maud̶e chi Akõre ome ãbua b̶uud̶eeba, dachimaa kuitaabiasii Dachi Akõre biawãra saka nii.

Juan 10:15

Ara mau kĩra mʉ Chachaba mʉ kuitaa b̶uu maud̶e mʉʉba mʉ Chacha kuitaa b̶uu. Mʉ michi oeja kakua biui b̶uu.

Juan 13:3

Jesusba kuitaa b̶uasii ichi Akõreba ne joma ichi juad̶e b̶usii, maud̶e kuitaa b̶uasii ichi Dachi Akõred̶ebena need̶a maud̶e waya ichimaa wãi b̶uu.

Juan 17:6

»Bichiba mʉʉmaa ẽbẽrarã chi nuree nau iujãad̶ebena deasii. Mʉʉba maarãmaa joma bichi ʉ̃rʉbena kuitaabiasii. Maarã bichid̶imina, bichiba mʉʉmaa deasii. Maarãba bichi bed̶ea ijãasid̶au.

Juan 3:35

Dachi Akõreba ichi Warr kʉ̃ria uru b̶uu; maud̶eeba ne joma deasii ichi juad̶e uru b̶uamera.

Juan 6:46

Mauba jarawẽa b̶uu ab̶aba Dachi Akõre unusii. Ab̶aburu mʉʉba Dachi Akõre unubarii ichimarebena neesiid̶eeba.

Juan 7:29

Mʉʉba ichi unubarii ichid̶ebena need̶ad̶eeba. Ara ichiba mʉ bʉisii.

1 Pedro 3:22

Jesucristo chokae jiraduped̶a, bajãad̶aa wãped̶a Dachi Akõre jua biare b̶uu. Joma angelerã, joma jai kachiruarã chi mechiurã maud̶e chi meserãa nuree ichi juad̶e uru b̶uu.

1 Juan 2:23

Chi Dachi Akõre Warr kʉ̃riawẽa b̶uuba Dachi Bajãad̶ebena Akõre uru b̶uuwãe. Chi Jesús Dachi Akõre Warr a b̶uuba Dachi Bajãad̶ebena Akõre sid̶a uru b̶uu.

2 Juan 1:9

Barikiuba Cristoba jaradead̶a ãyaa jaradea nibaaruubʉrã, maebʉrã Cristoba jaradead̶a ida b̶uuruubʉrã, mau Dachi Akõreswãe nii. Maamina barikiuba Cristoba jaradead̶a ijãa niibʉrã, chi Akõre maud̶e chi Warr sid̶a uru b̶uu.