Mateo 11:23 - Emberá Chamí

²³ ¿Capernaumd̶ebenarã ʉtaa bajãad̶aa wãd̶aika? ¡Wãd̶aabai! ¡Dachi Akõreba machi chi biud̶arã panabadaud̶e jirakuai! Mʉʉba ẽbẽrarãba ne poyaa waud̶akau machi tãed̶e waud̶a Sodoma puurud̶e waud̶a basirã, jãu puuru wabid̶a b̶uai basii.

Mateo 11:23 Iomraidhean Croise

Mateo 10:15

Mʉʉba biawãra jaraaruu: Dachi Akõreba kastikai ewarid̶e Sodomd̶ebenarã maud̶e Gomorrad̶ebenarã audeara mau puuru aude kastikai.

Mateo 16:18

Mʉʉba jaraaruu: bichi Pedrobʉ. Mʉʉba nau mo ʉ̃rʉ mʉ puuru wauruu. Biumia ab̶au bid̶a mʉ puuru ome poyaabai.

Mateo 17:24

Jesús maud̶e ichi baara nibabadaurã Capernaum puurud̶aa neesid̶aud̶e Dachi Akõre de mechiu baita chi nejarra pebadaurã Pedromaa wãsid̶au. Ãchiba id̶isid̶au: —¿Machi Jaradeabariiba Dachi Akõre de mechiu baita chi nejarra deabariika?

Mateo 4:13

Maamina Nazaret puurud̶e b̶eebasii, Capernaum puurud̶éburu b̶uad̶e wãsii. Mau puuru mar iikaa b̶uu. Neftalid̶ebena neeped̶aad̶a Israel druad̶e b̶uu maud̶e Zabulond̶ebena neeped̶aad̶a drua kaita b̶uu.

Mateo 8:5

Maabae Jesús Capernaum puurud̶aa wãsii. Ara basiid̶e Romad̶ebena kokoroarã jaradea ua b̶uabarii ichimaa neesii. Mauba naka chi chuburia id̶isii:

Lucas 10:15

¿Capernaumd̶ebenarã ʉtaa bajãad̶aa wãd̶aika? ¡Wãd̶aabai! ¡Dachi Akõreba machi chi biud̶arã panabadaud̶e jirakuai!»

Lucas 14:11

Chi aude mechiu nibai kʉ̃ria b̶uu, Dachi Akõreba mau kaebeu b̶ui. Maud̶e ara du ab̶a kaebeu b̶eeruubʉrã, Dachi Akõreba mau aude mechiu nibabii».

Lucas 16:23

»Tʉbʉchia kiikaud̶e ãrea biꞌiwãe b̶uud̶e chi barau b̶uad̶aba Abraham, Lázaro ome b̶uu kaitawẽeba unusii.

Lucas 4:23

Jesusba jarasii: —Machiba nau bed̶ea mʉʉmaa jarad̶ai: “Ʉrrmid̶ia deabarii, bichi du ab̶a aribiáse. Bichiba Capernaumd̶e waud̶a daiba ũrisid̶au. Nama bichi puurud̶e bid̶a arab̶aud̶e wause”.

Hechos 2:27

Mʉʉba kuitaa b̶uu bichiba mʉ biud̶arã panabadaud̶e nub̶uubai. Mʉ, chi bichi baita bari trajabarii jipa nii ida b̶eraabiibai.

Hechos 2:31

Makai kuitaa b̶uasiid̶eeba ichiba berreasii Dachi Akõreba Dachi Karibabarii deai jarad̶a chokae jiradui ʉ̃rʉbena. Ichiba jarasii Dachi Akõreba mau chi biud̶arã panabadaud̶e nub̶uubai maud̶e ichi chi kakua b̶eraabiibai.

Judas 1:7

Ara mau kĩra Dachi Akõreba Sodomad̶ebena, Gomorrad̶ebena maud̶e chi puururã ara kaitad̶ebena kastikasii. Maarãba mianejasia waubachid̶au. Dachi kakuaba barikiu kachirua waud̶aabai panuu, ãchiba waubachid̶au. Maud̶eeba Dachi Akõreba maarã ewaricha tʉbʉchia kiikaud̶e biꞌiwãe panabiai. Mauba dachimaa kuitaabia b̶uu Dachi Akõreba chi kachirua joma maka kastikabarii.

Apocalipsis 1:18

Mʉ chi Chokae Nima. Mʉ biud̶amina ichiáse chokae nii, maud̶e ewaricha chokae nibai. Mʉa chi biud̶arã poyaa chokae jiradubiai b̶uu.

Apocalipsis 11:8

Chi biuped̶aad̶a chi Jerusalén puuru mechiud̶e jirata b̶ari panad̶ai. Mau puuru «Sodoma» maebʉrã «Egipto» abadau, aria ãchi Mechiu Jesús cruzd̶e jirab̶u beasid̶aud̶eeba.

Apocalipsis 20:13

Joma chi mard̶e biuped̶aad̶arã Dachi Akõre daad̶e imisid̶au. Joma chi biuped̶aad̶a ãchi panabadaumarebena Dachi Akõre daad̶e imisid̶au. Maabae Dachi Akõreba ãchi ab̶aab̶aa ichiai ãchiba wauped̶aad̶a kĩra.

Apocalipsis 6:8

Araa ichiasiid̶e mʉʉba mura kukuaraa nii unusii. Chi mau mura ʉ̃rʉ akʉ b̶uu trʉ̃ «Biud̶a» abadau. Chi ichi ome nibabarii chi trʉ̃ «Biud̶arã Panabadau» abadau. Joma nau iujãad̶e ẽbẽra kimared̶ebena ab̶a Dachi Akõreba maarãmaa ida beabiasii. Maarã ẽbẽrarã beasid̶au chĩoduuba, jarrbaba, dachi kakua kachirua paneebibadauba maud̶e ãnimara kachirua nureeba.