Mateo 11:1 - Emberá Chamí

¹ Jesusba ichi baara nibabadaurã 12 panuumaa jaradeaped̶a arabena wãsii jaradead̶akad̶e mau druad̶ebena puurucha.

Mateo 11:1 Iomraidhean Croise

Mateo 28:20

Maarãmaa jaradeásturu mʉʉba machimaa jarad̶a joma waud̶amera. Maud̶e mʉ machi baara ewaricha b̶uai nau ewari wãꞌãeruud̶aa.

Mateo 4:23

Jesús joma Galilea druad̶e nibasii. Judiorã araa ãbua imibadau decha jaradeabachii Bajãad̶e B̶uu neeruu ichid̶irã ichi juad̶e ua b̶uai ʉ̃rʉbena. Mau bed̶ea bia jaradead̶e wãaruucha joma ẽpermo nuree aribiabiabachii.

Mateo 7:28

Jesusba joma jaradeasiid̶e ẽbẽrarãba kuitaa kʉ̃risiad̶aabasii.

Mateo 9:35

Mau maad̶akare Jesús puuru mechiu b̶eecha maud̶e puuru kaebe b̶eecha nibabachii. Judiorã araa ãbua imibadau ded̶e chi bed̶ea bia jaradeabachii Bajãad̶e B̶uu neeruu ichid̶irã ichi juad̶e ua b̶uai ʉ̃rʉbena. Maud̶e joma ẽpermo nuree maud̶e chi kakua pira nuree aribiabiabachii.

Marcos 6:12

Ara makʉd̶e Jesús baara nibabadaurã wãsid̶au. Wãaduucha ẽbẽrarãmaa jarabachid̶au ãchi kachirua ida b̶ud̶aped̶a Dachi Akõremaa need̶amera.

Lucas 23:5

Maamina waya jara kopaneesid̶au: —Jãuba jaradea b̶uuba dai judiorã kĩrubikabi b̶uu. Nau Galilea druad̶e maka wausii maud̶e nau puurud̶e bid̶a maka wau b̶uu.

Lucas 8:1

Mau maad̶akare Jesús puuru mechiu b̶eecha maud̶e puuru kaebeu b̶eecha wãsii. Maud̶e jarabachii Dachi Akõreba ichid̶irã ichi juad̶e ua b̶uai baita neeruu. Mau bed̶ea bia jaradea niid̶e ichiba 12 jʉrʉ adaud̶arã ichi baara nibabachid̶au.

Juan 15:10

Mʉʉba waubi b̶uu bed̶ea ijãaduubʉrã, chi mʉʉba kʉ̃ria ua b̶uuba nuread̶ai. Ara mau kĩra mʉ Chachaba waubi b̶uu bed̶ea ijãabariid̶eeba chi ichiba kʉ̃ria ua b̶uuba nuread̶ai.

Juan 15:14

Mʉʉba waubi b̶uu bed̶ea machiba ijãaduubʉrã machi mʉ kõpaerorãbʉ.

Hechos 1:2

ab̶a Dachi Akõreba bajãad̶aa adoeruud̶aa. Bajãad̶aa wãi naed̶e Dachi Akõre Jaurid̶eeba Jesusba chi ichiba bʉid̶arãmaa jaradeasii kãare waud̶ai panuu. Maarã ichiba jʉrʉ adaud̶a basii.

Hechos 10:38

Mau ewarid̶e Dachi Akõreba ichi Jauri maud̶e ichi poyaabarii Jesús Nazaretd̶ebenamaa deasii. Dachi Akõre ichi ome b̶uasiid̶eeba Jesusba ne bia wau nibasii maud̶e ẽbẽrarã jʉbawãe niiba kachirua uru panuu joma aribiabiabachii.

Hechos 10:42

Jesusba dai bʉisii joma ẽbẽrarãmaa naka jarad̶amera: Dachi Akõreba ichi b̶usii chi chokae nuree maud̶e biuped̶aad̶a ãchi juez b̶uamera.

1 Tesalonicenses 4:2

Daiba Dachi Mechiu Jesusd̶ebena jaradeaped̶aad̶a machiba kuitaa panuu.

2 Tesalonicenses 3:10

Machi tãed̶e panasid̶aud̶e daiba nau jarasid̶au: «Chi trajai kʉ̃riawẽa b̶uumaa kobirã́sturu».

2 Tesalonicenses 3:6

Ãbarã, Dachi Mechiu Jesucristo trʉ̃d̶eeba daiba machimaa jarabʉiduu ãbarã koꞌoa nuree ome ãbua panarãad̶amera. Daiba jaradeaped̶aad̶a kĩra waud̶akau.