Mateo 10:5 - Emberá Chamí

⁵ Mau 12 ẽbẽrarã Jesusba bʉikasii. Maamina wãd̶ai naed̶e ichiba jarasii: «Judiowãerãmaa, Samaria druad̶ebena puurud̶aa bid̶a wãrã́sturu.

Mateo 10:5 Iomraidhean Croise

Mateo 22:3

Chi reyba chi trajabadaurã bʉikasii chi ichiba iud̶arã adoed̶e wãd̶amera. Maamina neei kʉ̃riad̶aabasii.

Mateo 4:15

«Chi Zabulón maud̶e Neftalí druad̶e b̶eerã, judiowãerã Galilead̶e b̶eerã, mard̶aa wãbadau o kaita b̶eerã, Jordán do kĩare nureerã:

Marcos 6:7

Ichiba 12 jʉrʉ adaud̶arã ãbua iukuasii maabae omeemea bʉikasii. Ãchimaa poyaabarii dead̶akasii jai kachiruarã ichi trʉ̃d̶eeba duabʉikad̶amera.

Lucas 10:1

Mau maad̶akare Dachi Mechiu Jesusba ichi baara nibabadaurã maucha june 70 jʉrʉ adausii Dachi Akõre bed̶ea jarad̶e wãd̶amera. Ichi naa omeemea bʉikasii puurucha wãd̶amera ichi wãi kʉ̃risia b̶uumaa.

Lucas 10:33

Mawãare ẽbẽra Samariad̶ebena mau od̶e neesii. Chi ẽbẽra b̶ari b̶uu unusiid̶e kĩra chuburiasii.

Lucas 17:16

Jeed̶a õdarrd̶e kob̶eeped̶a Jesusmaa ãrea ichíturu kid̶ibai jarasii ichi anibisiid̶eeba. Mau mukĩra Samariad̶ebena basii.

Lucas 9:1

Jesusba ichi baara nibabadaurã 12 duanuu araa ãbua iukuaped̶a poyaabarii deasii maud̶e jai kachiruarã ãchi juad̶e b̶usii, duabʉikad̶amera maud̶e ẽpermo nuree aribiabiad̶amera.

Lucas 9:2

Maud̶e ãchi bʉikasii Dachi Akõreba ichid̶irã ichi juad̶e ua b̶uai ʉ̃rʉbena jarad̶e wãd̶amera maud̶e ẽpermo nuree aribiabiad̶amera.

Juan 17:18

Bichiba mʉ nau iujãad̶ebenarã tãed̶e bʉid̶a kĩra mʉa bid̶a maarã nau iujãad̶ebenarã tãed̶e bʉiruu.

Juan 20:21

Maabae Jesusba waya ãchimaa jarasii: —Jirukaraayuwãe duanásturu. Mʉ Chachaba mʉ nau iujãad̶aa bʉid̶a kĩra mʉa bid̶a machi nau iujãad̶aa bʉikaaruu.

Juan 4:20

Dai nabẽrarãba nau ead̶e Dachi Akõremaa biꞌia berreabachid̶au, maamina machi judiorãba jarabadau ichimaa biꞌia berread̶ai panuu Jerusalend̶e. ¿Samaa wãd̶ai panuma Dachi Akõremaa biꞌia berread̶ai baita?

Juan 4:5

Wãaruud̶e Samariad̶e puuru Sicar abadaumaa neesii. Mau puuru Jacoba ichi warr Josemaa dead̶a drua kaita b̶uu.

Juan 4:9

Maabae chi wẽraba Jesusmaa jarasii: —Mʉ Samariad̶ebena wẽrabʉ. ¿Sakãe bichi judio niiba mʉʉmaa bania id̶i b̶uma? Mau wẽraba maka jarasii judiorãba Samariad̶ebenarã kʉ̃riad̶akaud̶eeba.

Juan 7:35

Maud̶eeba judiorã aria duanuuba ãchi chiya jara bara b̶eesid̶au: —¿Samaa wãid̶eeba dachiba ichi waa unud̶aabaima? asid̶au. ¿Griegorã druad̶aa wãika judiorã aria duanuurãmaa jaradeai baita?

Juan 8:48

Maabae judiorãba Jesusmaa jarasid̶au: —¿Bichi Samariad̶ebenawãeka maud̶e jai kachirua uru b̶uu? ¿Daiba arakʉd̶e jarad̶awẽa panuka?

Hechos 1:8

Maamina Dachi Akõre Jauri machi baara b̶uad̶e neeruud̶e machiba ichi poyaabarii adaud̶ai. Mauba machiba Jerusalend̶e, joma Judea druad̶e, Samaria druad̶e maud̶e drua kaitawẽ nureed̶e mʉ ʉ̃rʉbena berread̶ai.

Hechos 10:45

Maud̶e ãibena bed̶ead̶e berrea duaneesid̶au maud̶e Dachi Akõremaa biꞌia berrea duaneesid̶au. Judiorã Jesusd̶e ijãabadaurã Pedro ome neeped̶aad̶aba mau ũrisid̶aud̶e kuitaa kʉ̃risiad̶aabasii Dachi Akõreba ichi Jauri judiowãerãmaa deasiid̶eeba.

Hechos 8:1

Sauloba Esteban beaped̶aad̶a biꞌia unusii. Maud̶e chi nuree Dachi Akõre kʉ̃riabadaurãba Esteban jau b̶ud̶aped̶a, ãrea jẽasid̶au. Mau ewarid̶e ẽbẽrarãba Jerusalend̶e Jesusd̶e ijãabadaurã ãrea kachirua wau paneesid̶au. Maud̶eeba Jesusd̶e ijãabadaurã joma Judea druad̶aa maud̶e Samaria druad̶aa miru wãsid̶au. Jesusba bʉid̶arã Jerusalend̶e paneesid̶au.

1 Tesalonicenses 2:16

Dachi Akõreba karibamera daiba judiowãerãmaa jaradea kʉ̃ria panuud̶e, maarãba daiba jaradead̶ai ida kabid̶aabasii. Maka aude kachirua wau panuud̶eeba Dachi Akõreba ichi oa kachiruad̶eeba maarã ãrea kastikai.