Mateo 10:2 - Emberá Chamí

² Jesusba bʉid̶arã 12, naarã basii: Simón, Pedro abadau; chi ãba Andrés; Zebedeo warrarã Santiago maud̶e Juan;

Mateo 10:2 Iomraidhean Croise

Mateo 17:1

6 ewari bad̶akare Jesusba Pedro, Santiago maud̶e chi ãba Juan ãchi du ab̶a ea ʉtʉ nub̶uud̶aa adoesii.

Mateo 20:20

Mau maad̶akare Zebedeo kima maud̶e ichi warrarã Jesusmaa neesid̶au. Mau wẽra ichi daad̶e õdarrd̶e kob̶eed̶e neesii chi chuburia id̶iyua.

Mateo 26:37

Maabae Zebedeo warrarã omea Pedro baara ãyaa adoesii. Ichi makai ʉ̃rʉbena kʉ̃risia b̶uud̶eeba kĩra nomaa b̶eesii.

Mateo 4:18

Jesús Galilea mar iikaa niid̶e mukĩra ome unusii. Ab̶a Simón basii, Pedro abadau. Chi ab̶abena chi ãba Andrés basii. Mau ẽbẽrarã b̶eda jidaubadaurã basiid̶eeba, mard̶e b̶ata nibasid̶au.

Mateo 4:21

Mau naabe wãaruud̶e Jesusba maucha mukĩra ome unusii. Ab̶a Zebedeo warr Santiago basii. Maucha ab̶a chi ãba Juan basii. Maarã jãbad̶e chi akõre baara chi ãtarraya kõad̶a jʉ̃ʉkamaa panasid̶au. Maabae Jesusba ãchi iusii ichi ome wãd̶amera.

Marcos 1:29

Maud̶e judiorã araa ãbua imibadau ded̶ebena wãd̶aped̶a Simón deed̶aa wãsid̶au Jesús, Santiago maud̶e Juan. Simón ãba Andrés sid̶a aria b̶uabachii.

Marcos 13:3

Maabae Olivo ead̶aa wãsid̶au, Dachi Akõre de mechiu kĩraare. Jesús aria akʉ b̶uasiid̶e Pedroba, Santiagoba, Juanba maud̶e Andresba ãchi du ab̶a ichimaa id̶isid̶au:

Marcos 6:30

Mau maad̶akare Jesusba bʉid̶arã waya araa ãbua imisid̶aud̶e, ãchiba wauped̶aad̶a maud̶e jaradeaped̶aad̶a joma nebʉrʉsid̶au.

Lucas 11:49

Maud̶eeba Dachi Akõre ichi kʉ̃risia kuitaad̶eeba naka jarasii: “Mʉ baita berreabadaurã maud̶e mʉʉba bʉikad̶arã machi israeld̶ebenarãmaa wãbiai. Maud̶e waabenarã bead̶ai maud̶e waabenarã kachirua waud̶ai baita wãraad̶ai”.

Lucas 22:14

Kod̶ayua Jesús maud̶e ichiba bʉid̶arã mesad̶e akʉ paneesid̶au.

Lucas 22:8

Maud̶eeba Jesusba Pedro maud̶e Juan bʉisiid̶e, naka jarasii: —Dachi Pascua ewarid̶e chi kobadau joma waud̶e wã́sturu.

Lucas 9:10

Jesusba bʉid̶arã waya neesid̶aud̶e ãchiba wauped̶aad̶a joma nebʉrʉsid̶au. Mau maad̶akare Jesusba ãchi Betsaida puurud̶aa adoesii ãbua panad̶aud̶ai baita.

Juan 12:22

Maud̶eeba Felipeba Andresmaa jarad̶e wãsii. Maabae ãchiba Jesusmaa jarasid̶au.

Juan 13:23

Maarãd̶ebena ab̶a chi Jesusba ãrea kʉ̃riabarii, ichi jãkaa akʉ b̶uasii.

Juan 20:2

Maud̶eeba pira wãsii Simón Pedromaa. Jesús baara nibabarii chi «Jesusba ãrea kʉ̃ria b̶uu» abadau aria b̶uasii. Neeped̶a jarasii: —Dachi Mechiu chi jau b̶uped̶aad̶amarebena ãyaa adoesid̶au. Daiba adua panuu samaa adoesid̶au.

Juan 21:2

Mau ewarid̶e ãbua panasid̶au, Simón Pedro, Tomás chi Mikisu abadau, Natanael Caná puuru Galilead̶ebena, Zebedeo warrarã, maud̶e maucha ome.

Juan 21:20

Pedroba waya akarrnaa ichiasiid̶e Jesús baara nibabarii chi “Jesusba ãrea kʉ̃riabarii” abadau kaad̶e nii unusii. Mau Jesús kaita akʉ b̶uasii Pascua ewarid̶e chi kobadau kosid̶aud̶e. Ichiba id̶isii: «Dai Mechiu, ¿kaiba bichi jidaubiima?»

Juan 21:24

Mau Jesús ome nibad̶aba mau ʉ̃rʉbena jara b̶uu maud̶e nau kartad̶e naka b̶ʉʉruu. Daiba kuitaa panuu ichiba jara b̶uu biawãrabʉ.

Juan 6:67

Maud̶eeba Jesusba ichiba 12 jʉrʉ adaud̶arãmaa jarakuasii: —¿Machi sid̶a wãaduka?

Juan 6:70

Jesusba jarasii: —Machi 12 panuu mʉʉba jʉrʉ adausii mʉ baara nibad̶amera. Maamina machid̶ebena ab̶a jʉbawãe niid̶ebʉ.

Juan 6:71

Jesusba Judas, Simón Iscariote warr ʉ̃rʉbena berrea b̶uasii. Mauba Jesús jidaubisii ichi baara nibabadaurã 12 panuud̶ebenamina.

Juan 6:8

Maud̶e chi Jesús baara nibabarii Andrés, Simón Pedro ãbaba naka jarasii:

Hechos 1:13

Jerusalend̶e need̶aped̶a de jã ʉtʉbenad̶e ãchi panabadaumaa wãsid̶au. Ãchi naarã basii: Pedro, Juan, Santiago, Andrés, Felipe, Tomás, Bartolomé, Mateo, Alfeo warr Santiago, Simón Celote maud̶e Santiago warr Judas.

Hechos 1:26

Maabae ne jemenesid̶au kai b̶eei kuitaa. Maud̶e Matías b̶eesii. Ara makʉd̶e ichi Jesusba bʉid̶arã 11 panuu baara ãbua b̶eesii.

Hechos 12:2

Juan ãba Santiago espadaba beabisii.

Hechos 3:1

Ewari ab̶a ãsa ʉ̃rʉ õbea baaruud̶e, judiorãba Dachi Akõremaa ʉtaa id̶ibadau horad̶e, Pedro maud̶e Juan Dachi Akõre de mechiud̶aa wãsid̶au.

1 Corintios 15:7

Mau 500 ãbarãba Jesús unuped̶aad̶akare Santiagomaa unubisii. Mau maad̶akare joma ichiba bʉid̶arãmaa unubiasii.

Efesios 4:11

Ara ichiba chi nuree b̶usii ichiba bʉid̶arã nuread̶amera, waabenarã b̶usii Dachi Akõre baita berreabadaurã nuread̶amera, waabenarã b̶usii chi bed̶ea bia Cristo ʉ̃rʉbena jarad̶e nibad̶amera, maud̶e waabenarã b̶usii chi ijãabadaurã nubadaurã maud̶e jaradeabadaurã nuread̶amera.

Hebreos 3:1

Ãbarã, machi ẽbẽrarã Dachi Akõred̶erãd̶eeba maud̶e ichiba machi iukuasiid̶eeba, Jesucristo ʉ̃rʉbena ãrea biꞌia kauwa kʉ̃risiásturu. Dachiba biawãra ijãa panuu abadau, Ichi Dachi Akõreba bʉid̶a maud̶e Paare Mechiu.

1 Pedro 1:1

Mʉ Pedrobʉ, Jesucristoba bʉid̶abʉ. Mʉʉba nau karta b̶ʉʉruu Dachi Akõreba jʉrʉ adaud̶arã Ponto druad̶e, Galacia druad̶e, Capadocia druad̶e, Asia druad̶e, Bitinia druad̶e maud̶e drua awarad̶ebenarã kĩra panabadau baita.

2 Pedro 1:1

Mʉ Simón Pedrobʉ, Jesucristo baita bari trajabariibʉ maud̶e ichiba bʉid̶abʉ. Mʉʉba nau karta b̶ʉʉruu chi Dachi Akõred̶e maud̶e Dachi Karibabarii Jesucristod̶e ijãabadaurã baita. Ichi jipa niid̶eeba, dai ome arab̶aud̶e biꞌia ijãa panuu.

2 Juan 1:1

Mʉ Chõrabʉ. Mʉʉba nau karta b̶ʉʉruu wẽra Dachi Akõreba jʉrʉ adaud̶a baita maud̶e ichi warrarã baita bid̶a. Mʉʉba machi biawãra kʉ̃ria ua b̶uu. Mʉaburu machi kʉ̃ria b̶uwãema, maumaarã joma chi biawãra bed̶ea kuitaa nureerãba machi kʉ̃ria panuu.

3 Juan 1:1

Mʉ Chõrabʉ. Mʉʉba nau karta b̶ʉʉruu mʉ ãba Gayo baita. Mʉʉba bichi biawãra kʉ̃ria b̶uu.

Apocalipsis 1:1

Mʉ Jesucristo baita bari trajabarii Juanbʉ. Nau kartad̶e b̶ʉ b̶uu Jesucristoba bajãad̶ebena mʉʉmaa unubid̶a. Mau Dachi Akõreba Jesucristomaa unubisii ichid̶e ijãa nureerãmaa unubiamera kãꞌãabariwãed̶e kãare sãai b̶uu. Jesucristoba ángel mʉʉmaa bʉisii mau unubimera.

Apocalipsis 1:9

Mʉ machi ãba Juanbʉ. Dachi Jesucristo ome panuud̶eeba mʉ machi ome Dachi Akõre juad̶ebenarãbʉ, machi ome ãrea biꞌiwãe b̶uu, maud̶e machi ome joma dauchia jãadua b̶uu. Dachi Akõre bed̶ea jaradea b̶uu kakua maud̶e Jesús ʉ̃rʉbena biawãra a b̶uu kakua mʉ Patmos islad̶e b̶usid̶au.

Apocalipsis 18:20

¡Joma bajãad̶e duanuu kĩrajʉ́sturu, jãu puuru ãrisiid̶eeba! Ẽbẽrarã Dachi Akõred̶erã, Jesusba bʉid̶arã maud̶e Dachi Akõre baita berreabadaurã kĩrajʉ́sturu. Dachi Akõreba jãu puuru kastikai machimaa miadaa wausiid̶eeba».

Apocalipsis 22:8

Mʉ Juanbʉ. Joma mau unusii maud̶e ũrisii. Mau maad̶akare mʉ ángel jʉ̃rʉ kaita õdarrd̶e kob̶eesii biꞌia berreai baita. Makasii chi mauba mʉʉmaa unubisiid̶eeba.