Mateo 10:19 - Emberá Chamí

¹⁹ Machi jidau adoeduud̶e jirukaraarã́sturu saka berread̶ai. Chi jaradea ua b̶uabadaurã daad̶e panuud̶e Dachi Akõreba kuitaabiai kãare jarad̶ai.

Mateo 10:19 Iomraidhean Croise

Mateo 10:18

Mʉʉd̶e ijãa panuu kakua ãchiba machi chi jaradea ua b̶uabadaurã maud̶e chi reyrã daad̶e adoed̶ai. Maud̶e machiba ãchi daad̶e maud̶e judiowãerã daad̶e mʉ ʉ̃rʉbena berread̶ai.

Mateo 6:25

»Maud̶eeba mʉʉba jaraaruu: machi saka panad̶ai, ãrea kʉ̃risiarã́sturu. Kʉ̃risiarã́sturu kod̶ai ʉ̃rʉbena, dod̶ai ʉ̃rʉbena maud̶e paru jʉ̃d̶ai ʉ̃rʉbena. ¿Chiko audeara dachi chokae panad̶ai biꞌia b̶uuwãeka? ¿Dachi kakua chi paru jʉ̃badau audeara biꞌia b̶uuwãeka?

Mateo 6:31

»Maud̶eeba ãrea kʉ̃risiarã́sturu kod̶ai ʉ̃rʉbena, dod̶ai ʉ̃rʉbena maud̶e paru jʉ̃d̶ai ʉ̃rʉbena.

Mateo 6:34

Nubenad̶e ãrea kʉ̃risiarã́sturu, nu bid̶a Dachi Akõreba machi nu b̶uaid̶eeba. Ewaricha ne kʉ̃risiai baraai.

Lucas 12:11

»Machi mʉʉd̶e ijãa panuu kakua judiorã araa ãbua imibadau deemaa adoeped̶aad̶akare, maebʉrã chi juezrã daad̶e maebʉrã chi jaradea ua b̶uabadaurãmaa jideai baita, jirukaraarã́sturu saka panaud̶ayu maebʉrã kãare jarad̶ayu.

Lucas 12:12

Jideaduud̶e Dachi Akõre Jauríburu machimaa kuitaabiai kãare jarad̶ai panuu».

Hechos 6:10

Maamina ãchiba Esteban ome poyaad̶aabasii, ichi Dachi Akõre Jauri kʉ̃risia kuitaad̶eeba berreabachiid̶eeba.

Filipenses 4:6

Barikia kakua ãrea jirukaraarã́sturu, maumaarã Dachi Akõremaa ʉtaa id̶ísturu, ichimaa chi chuburia id̶ísturu, maud̶e ne joma ʉ̃rʉbena ichíturu kid̶ibai ásturu.

2 Timoteo 4:17

Maamina Dachi Mechiu mʉ ome b̶uasii. Mʉ poyaabarii deasii ichi bed̶ea jaramera. Maka joma judiowãerã aria panuuba ũrisid̶au. Maud̶e Dachi Mechiuba mʉ imama okarrd̶ebena karibasii.

Santiago 1:5

Machid̶ebena ab̶aba kʉ̃risia kuitaawẽa niibʉrã, Dachi Akõremaa ʉtaa id̶ii b̶uu. Maabae Dachi Akõreba deai. Ichimaa ʉtaa id̶iiduubʉrã iadaawẽa sõbiad̶eeba jomaurãmaa deabarii.