Mateo 10:16 - Emberá Chamí

¹⁶ »Mʉʉba machi ẽbẽra kachirua tãed̶e bʉikaaruu. Ãchiba machi kachirua waud̶ai usa kachiruaba oejarã orrabarii kĩra. Maud̶eeba ãchi tãed̶e panuud̶e dama kĩra kʉ̃risia kauwa nibásturu, maamina paloma kĩra ʉmʉmʉrʉa nibásturu.

Mateo 10:16 Iomraidhean Croise

Mateo 24:25

Mau joma mʉʉba machimaa jarasii makai naed̶e.

Mateo 24:45

»Chibari baita bari trajabarii kʉ̃risia kuitaa b̶uuba jipa waubarii kĩra duanásturu. Ichi chibariba chi waabenarã bari trajabadaurã ichi juad̶e b̶usii chi kod̶ai baaruud̶e kobia b̶uamera.

Mateo 25:2

Mau ãwerarã jua ab̶a biꞌia kʉ̃risia panasid̶au. Maud̶e chi waabenarã jua ab̶a kʉ̃risia adua panasid̶au.

Mateo 25:4

Maud̶e chi biꞌia kʉ̃risia nureeba ãchi ʉ̃d̶aa koabarii eneesid̶au, maud̶e olivo draa ãrea adoesid̶au.

Mateo 25:9

Maamina chi biꞌia kʉ̃risia nureerãba panausid̶au: “Daiba machimaa dead̶awẽe jomaurã baita wãꞌãed̶eeba. Maumaarã wã́sturu, draa nedobadaumaa machi baita nedod̶amera”.

Lucas 10:3

»¡Wã́sturu! Mʉʉba machi ẽbẽra kachirua tãed̶e bʉikaaruu. Maarãba machi kachirua waud̶ai usa kachiruaba oeja cheke orrabarii kĩra.

Lucas 21:15

Mʉaburu machimaa kʉ̃risia kuitaa deai berread̶ai kuitaad̶amera. Maud̶eeba machiba jaraaduu machi kĩramaa panuuba poyaa kachirua jarad̶aabai.

Hechos 20:29

Mʉʉba kuitaa b̶uu mʉ wãsiid̶e ẽbẽra kachiruarã usa kachirua kĩra machi tãed̶e need̶ai ãbarã ãyaa wãbiad̶ai baita.

1 Corintios 14:20

Ãbarã, warr chekerã kĩra panásturu. Ãchiba kachirua ãrea adua panuu. Maamina Dachi Akõre Jauriba waubi b̶uu ʉ̃rʉbena chõrarã kĩra kʉ̃risia panásturu. Waa warr chekerã kĩra kʉ̃risiarã́sturu.

2 Corintios 1:12

Nau kakua kĩrajʉʉ panuu: daiba kuitaa panuu sõ jipa panuud̶eeba, kʉ̃risia biad̶eeba nau iujãad̶ebenarã tãed̶e, maud̶e machi tãed̶e biꞌia nibaped̶aad̶a. Mau sõ jipa b̶uai maud̶e kʉ̃risia bia Dachi Akõred̶ebenabʉ. Dai nau iujãad̶ebena kʉ̃risia kuitaad̶eeba maka nibad̶akau, maumaarã Dachi Akõreba ichi sõbiad̶eeba aid̶a b̶uud̶eeba maka nibabadau.

2 Corintios 11:14

Jãarã ʉ̃rʉbena machiba kauwa kʉ̃risiad̶ai adua panuuwãema. Satanás sid̶a ángel ʉ̃d̶aad̶ebena kĩra neebarii.

2 Corintios 11:3

Maamina mʉʉba wapea b̶uu waabenarãba machi setaa kũruad̶ai damaba kʉ̃risia kuitaad̶eeba Eva setaa kũruad̶a kĩra. Makarã machiba Cristod̶e biawãra sõd̶eeba ijãa panuu ida b̶ud̶ai.

2 Corintios 8:20

Daiba kauwa wau panuu mau chi nejarra ãrea peped̶aad̶a adoeduud̶e ab̶au bid̶a kachirua jararãad̶amera.

Filipenses 2:15

Maka machi ʉ̃rʉbena kachirua jarad̶ayuswãe nuread̶ai maud̶e jipa nuread̶ai. Ẽbẽrarã ãrea kachirua waubadau tãed̶e panumina kachiruaswãe panásturu. Dachi Akõre warrarãd̶eeba ãchi tãed̶e ʉtarebena pusterrea ted̶echoabadau kĩra nuree.

Colosenses 1:9

Maka ũrisid̶aud̶eed̶ebena daiba machi baita ewaricha Dachi Akõremaa ʉtaa id̶i panuu ichiba waubi kʉ̃ria b̶uu machimaa joma kuitaabiamera. Mau awara ʉtaa id̶i panuu ichiba maarãmaa kʉ̃risia kuitaa maud̶e kauwa ũri ichi Jaurid̶eeba joma deamera.

Colosenses 4:5

Cristod̶e ijãad̶akaurã tãed̶e kʉ̃risia kauwa nibásturu. Ewaricha jʉrʉ́sturu ichi ʉ̃rʉbena maarãmaa kuitaabiad̶ai baita.

1 Tesalonicenses 2:10

Machiba kuitaa panuu maud̶e Dachi Akõreba kuitaa b̶uu dai machi chi Cristod̶e ijãabadaurã tãed̶e biꞌia, jipa maud̶e kachirua jarad̶ayuswãe nibasid̶au.

1 Tesalonicenses 5:22

Kachirua ab̶a bid̶a waurã́sturu.