Marcos 9:9 - Emberá Chamí

⁹ Maabae ead̶ebena ed̶aa wãaduu nid̶aud̶e Jesusba ãchimaa ãrea jara kob̶eesii ead̶e unuped̶aad̶a ab̶aumaa bid̶a jararãad̶amera ab̶a chi Ẽbẽra Ba B̶uad̶a chokae jiraduuruud̶aa.

Marcos 9:9 Iomraidhean Croise

Mateo 12:19

Ichi kĩru kub̶uuba berreabai maud̶e kĩrubid̶eeba b̶iabai. Maud̶eeba ab̶au bid̶a ichi berrearuu puurud̶e ũrid̶aabai.

Mateo 12:40

Jonás b̶eda mechiu b̶id̶e ewari õbea maud̶e ẽsabud̶e b̶uad̶a kĩra mʉ, chi Ẽbẽra Ba B̶uad̶a ewari õbea maud̶e ẽsabud̶e, ioro ekare b̶uai.

Mateo 16:21

Mau tõpe Jesusba jara kob̶eesii ichi baara nibabadaurãmaa ichi Jerusalend̶aa wãd̶akare, ãrea biꞌiwãe b̶uai b̶uu. Naka jarasii: —Mʉ puurud̶ebena jaradea ua b̶uabadaurã juad̶e, paare mechiurã juad̶e maud̶e Moisesba b̶ʉd̶a jaradeabadaurã juad̶e bid̶a ãrea biꞌiwãe b̶uai. Mʉ beabid̶ai maamina ewari õbead̶e chokae jiradui.

Mateo 27:63

—Dai chibari, daiba kĩraba panuu jãu ẽbẽra seta id̶aa nii wabid̶a chokae b̶uasiid̶e naka jarasii: “Mʉ ewari õbead̶e chokae jiradui”.

Mateo 8:4

Jesusba ichimaa jarasii: —Bichi chi kakua anid̶a ab̶aumaa bid̶a jararã́se. Maumaarã judio paaremaa wãse bichi chi kakua anid̶a unumera. Maabae Moisesba jarad̶a kĩra ne kaebea dease. Maka ẽbẽrarãba kuitaad̶ai bichi biawãra aribiad̶a.

Marcos 5:43

Maamina Jesusba ãchimaa ãrea jarasii ab̶aumaa bid̶a jararãad̶amera. Maud̶e jarasii wẽrakaumaa ne kobid̶amera.

Marcos 7:36

Jesusba ãchimaa jarasii mau ʉ̃rʉbena ab̶aumaa bid̶a jararãad̶amera. Maamina aude nebʉrʉbachid̶au.

Marcos 9:10

Mau ara ãchi kʉ̃risiad̶e uru paneesid̶au. Ãchi chiya berrea bara b̶eesid̶au mau «chokae jiradui» ʉ̃rʉbena.

Marcos 9:8

Ara maud̶e ãchi ad̶u ichiaduud̶e chi waabenarã unud̶aabasii. Ab̶aburu Jesús ãchi ome b̶uasii.

Lucas 24:46

Naka jarasii: —Dachi Akõre kartad̶e naka b̶ʉ kub̶uu: Dachi Akõreba Dachi Karibabarii deai jarad̶a biꞌiwãe b̶uai b̶uu. Biuped̶a ewari õbead̶e chokae jiradui.

Lucas 9:36

Mau bed̶ea chũpeasiid̶e Jesús ichi du ab̶a akʉ nub̶uu unusid̶au. Ãchiba unuped̶aad̶a awawarrea ab̶aumaa bid̶a nebʉrʉd̶aabasii.