Marcos 7:4 - Emberá Chamí

⁴ Maud̶e chi nedobʉibad̶aumarebena deed̶aa need̶aped̶a nabẽraed̶e jaradeabachid̶au kĩra jeraad̶awẽebʉrã kod̶akau. Mau awara ãchi basu, choko, paratu koore waud̶a maud̶e kʉd̶a kauwa jeraabadau. Ne ãrea kauwa waubadau nabẽraed̶ebenaba jaradeabachid̶au kĩra).

Marcos 7:4 Iomraidhean Croise

Mateo 23:25

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba basu maud̶e paratu chi ʉ̃rʉbena biꞌia jeraabadau, maamina ed̶are kachirua nuree. Ara mau kĩra machi sõd̶e bid̶a ne joma adaud̶ai kʉ̃riabadau maud̶e chi machiba kachirua kʉ̃riabadau, ara maka waubadau.

Mateo 23:26

¡Fariseo dau pãriu! Naa chi basu maud̶e chi paratu ed̶abena jeraase. Maabae ʉ̃rʉbena sid̶a biꞌia jeraai.

Mateo 27:24

Maka panuud̶e Pilatoba kuitaasii ẽbẽrarãba ichi bed̶ea ijãad̶aabasii. Mau awara unusii ẽbẽrarã aude b̶iuka nub̶eeduu. Maabae baniaba ichi jua jomaurã daad̶e jeraaped̶a jarasii: —Nau ẽbẽra jipa b̶uu beaduu kakua mʉ nebʉra wauwẽa b̶uu. Mau biawãra machid̶e b̶uu.

Marcos 7:8

Ara mau kĩra Dachi Akõreba waubi b̶uu bed̶ea machiba ida b̶ubadau nabẽrarãba jaradeaped̶aad̶a waud̶ai baita.

Juan 2:6

Aria kuuru mo uyaped̶aad̶a 6 topanasid̶au. Judiorãba mau maka uyabadau, Dachi Akõre daad̶e biꞌia topanad̶amera. Kuurucha 20 maebʉrã 30 galón uru panad̶ai b̶uasii.

Juan 3:25

Mau ewarid̶e waabenarã Juan baara nibabadaurã ab̶a judio ome kĩru berreasid̶au ne jeraabadau ʉ̃rʉbena, Dachi Akõre daad̶e biꞌia nuread̶ai baita.

Hebreos 9:10

Moisesba b̶ʉd̶aba náturu ab̶aburu kuitaabiasii chi dachi kakua chi ʉ̃rʉbena ome waubadau jaradeabadau: kãare kod̶ai panuu, kãare dod̶ai panuu maud̶e Dachi Akõreba jeraabi b̶uu saka jeraad̶ai panuu. Joma mau waubachid̶au ab̶a Dachi Akõreba joma chiwid̶i wauruud̶aa.

Santiago 4:8

Dachi Akõre kaita nésturu, makarã ichi machi kaita neei. Machi chi kachirua waubadaurã, ¡machi jua jeraaduu kĩra waa kachirua waurã́sturu! Machi kʉ̃risia ome uru nuree, ¡kʉ̃risia kachirua ida b̶ud̶aped̶a Dachi Akõréturu kʉ̃risiásturu!

1 Juan 1:7

Maamina ichi ʉ̃d̶aad̶e b̶uu kĩra dachi sid̶a ʉ̃d̶aad̶e nibaaduubʉrã, ãbarã ome ãbua biꞌia panad̶ai. Maud̶e ichi Warr Jesucristo oa ched̶aba dachi kachirua joma jeraabarii.