Marcos 4:7 - Emberá Chamí

⁷ Maud̶e chi b̶ee netaa ʉri id̶aa b̶uud̶e b̶aesid̶au. Aria tonod̶aped̶a jʉ̃kara ʉri id̶aa b̶uuba bʉra kenasii. Mauba poyaa chaud̶aabasii.

Marcos 4:7 Iomraidhean Croise

Mateo 13:22

Netaa ioro ʉri id̶aa b̶uud̶e pod̶a nau jara b̶uu: chi nuree ẽbẽrarãba Dachi Akõre bed̶ea ũribadau, maamina ãchi saka biꞌia paneed̶ai baita, ne joma uru panad̶ai baita maud̶e kĩrajʉʉ panad̶ai baita ãrea kʉ̃risiabadau. Joma mauba Dachi Akõre bed̶ea waa ũribiad̶akau. Maud̶eeba ne bia waubiad̶akau.

Mateo 13:7

Maud̶e chi b̶ee netaa ʉri id̶aa b̶uud̶e b̶aesid̶au. Aria tonod̶aped̶a jʉ̃kara ʉri id̶aa b̶uuba bʉra kenasii.

Mateo 13:8

Maamina chi waabenarã netaa ioro biad̶e b̶aesid̶au. Waabenarã netaa ab̶ad̶ebena 30 deasii, 70 maebʉrã 100.

Marcos 4:6

Maamina pisiaba bʉʉsid̶au chi karr ãrea wãꞌãe b̶uasiid̶eeba.

Marcos 4:8

Maamina chi waabenarã netaa ioro biad̶e b̶aesid̶au. Mau tonod̶aped̶a, warid̶aped̶a ãrea chausid̶au. Chi nuree netaa ab̶ad̶ebena 30 deasii, 70 maebʉrã 100».

Lucas 12:15

Maud̶e ichiba jomaurãmaa jarasii: —¡Kauwa panásturu! Chi nejarra uru panad̶ai kʉ̃ria panarã́sturu. Barau niid̶eeba dachi chokae b̶uakau.

Lucas 21:34

»Kauwa panásturu Dachi Akõred̶e dauchia jãadua panad̶amera. Itua do nibarã́sturu, ne kʉ̃risiawẽa panásturu maud̶e nau kakuaba wau kʉ̃ria b̶uu waurã́sturu. Kauwa nibad̶awẽebʉrã, mau ewari machi ʉ̃rʉ neei, enabe chi ãnimara ʉ̃rʉ b̶aebarii kĩra. Mau ewari jomaurã ʉ̃rʉ maka neei.

Lucas 8:14

Netaa ioro ʉri id̶aa b̶uud̶e pod̶a nau jara b̶uu: chi nuree ẽbẽrarãba Dachi Akõre bed̶ea ũribadau, maamina ãchi saka biꞌia paneed̶ai baita, ne joma uru panad̶ai baita maud̶e kĩrajʉʉ panad̶ai baita ãrea kʉ̃risiabadau. Joma mauba Dachi Akõre bed̶ea waa ũribiad̶akau maud̶e ãchiba ũriped̶aad̶a ida b̶ud̶aped̶a warid̶akau.

Lucas 8:7

Chi b̶ee netaa ʉri id̶aa b̶uud̶e b̶aesid̶au. Tonosiid̶e jʉ̃kara ʉri id̶aa b̶uuba bʉra kenasii.