Marcos 4:6 - Emberá Chamí

⁶ Maamina pisiaba bʉʉsid̶au chi karr ãrea wãꞌãe b̶uasiid̶eeba.

Marcos 4:6 Iomraidhean Croise

Mateo 13:6

Maamina pisiaba bʉʉsid̶au chi karr ãrea wãꞌãe b̶uasiid̶eeba.

Marcos 4:5

Chi b̶ee netaa mokara id̶aad̶e b̶aesid̶au. Chi ioro nausãa b̶uud̶eeba mau netaa isa tonosii.

Marcos 4:7

Maud̶e chi b̶ee netaa ʉri id̶aa b̶uud̶e b̶aesid̶au. Aria tonod̶aped̶a jʉ̃kara ʉri id̶aa b̶uuba bʉra kenasii. Mauba poyaa chaud̶aabasii.

Efesios 3:17

Maud̶e ʉtaa id̶i b̶uu ijãa panuud̶eeba Cristo machi sõd̶e b̶uamera maud̶e machi ne jomad̶e kʉ̃riad̶eeba panad̶amera. Maka chaarea nuread̶ai ãrea karr jidau panuu kĩra.

Colosenses 2:7

Ichid̶eeba chaarea panásturu ãrea karr jidau panuu kĩra maud̶e de bia waud̶a kĩra. Ichid̶e ãrea ijãa panásturu ãbarãba jaradeaped̶aad̶a kĩra. Ewaricha Dachi Akõremaa ichíturu kid̶ibai ásturu.

2 Tesalonicenses 2:10

Ne barikiu kachirua wau b̶uud̶eeba ẽbẽrarã tʉbʉ aokod̶e ãrea biꞌiwãe panad̶ai panuu, mauba setaa kũrai. Ãchiba chi biawãra bed̶ea kʉ̃riad̶akaud̶eeba Dachi Akõreba karibaabai.

Santiago 1:11

Ʉmada neeruud̶e pisiaba nepono kidua bʉʉbarii. Maabae chi nepono b̶aeped̶a chi mipitaa wãꞌãebarii. Ara mau kĩra ẽbẽra barau nii ewaricha chi nejarra adaui baita b̶uu biui.

Judas 1:12

Machi ãbua need̶aped̶a kʉ̃riad̶eeba kĩrajʉʉ komaa panuud̶e ãchi wapead̶awẽa machi baara kobadau. Maka machiba wau panuu maarãba kachiruabiabadau. Ara ãchid̶éburu kʉ̃risiabadau. Maarã jʉ̃rʉara pũatuba adoebarii kĩra nuree. Pũaturãba jʉ̃rʉara ãyaa adoeruud̶e kui chekau. Ara mau kĩra ãchiba jaradeaduuba aid̶akau. Bakuru b̶es ome biud̶a kĩra nuree, chi chaui ewarid̶e chi netaa deakaud̶eeba maud̶e chi karrad̶eed̶e ẽesiid̶eeba.

Apocalipsis 7:16

Maarã makaa jarbisiad̶aabai maud̶e waya obisia sid̶a uru panad̶aabai. Ʉmadaba makaa baakuabai maud̶e pisia bid̶a makaa joebai.