Marcos 4:1 - Emberá Chamí

¹ Waya Jesusba Dachi Akõre bed̶ea mar iikaa jaradea kob̶eesii. Maud̶e ẽbẽrarã ãrea ichimaa pĩchuka kob̶eesii. Maud̶eeba Jesús jãba mard̶e nub̶uud̶e ed̶a wãped̶a maabae akʉ b̶eesii. Ẽbẽrarã ibud̶e mar iikaa duaneesid̶au.

Marcos 4:1 Iomraidhean Croise

Marcos 2:13

Mau maad̶akare Jesús waya Galilea mard̶aa wãsii. Maud̶e ẽbẽrarã ãrea ichimaa wãsid̶au. Ichiba maarãmaa jaradeasii.

Marcos 3:7

Maabae Jesús ichi baara nibabadaurã ome Galilea mard̶aa wãsid̶aud̶e, aria Galilea druad̶ebenarã ãrea ichi baara nibasid̶au.

Marcos 3:9

Ichiba ẽpermo nuree aribiabiad̶ad̶eeba ẽbẽrarãba ichi waud̶ayua pĩchua imisid̶au. Ichi pĩchua uru panarãad̶amera Jesusba ichi baara nibabadaurãmaa jarasii jãba adoed̶amera.

Marcos 4:36

Ara makʉd̶e ãchiba ẽbẽrarã aria panuu b̶ʉid̶aped̶a Jesús ara ichi b̶uu jãbad̶e kĩaraa adoesid̶au. Waabenarã ẽbẽrarã sid̶a junebena jãbad̶e wãsid̶au.

Marcos 5:2

Jesús jãbad̶ebena ed̶aa wãsiid̶e ara maud̶e ẽbẽra jai kachirua uru b̶uu ichimaa neesii.

Marcos 5:21

Jesús waya jãbad̶e mar mechiu kĩaraa wãsiid̶e ẽbẽrarã ãrea ichi b̶uumaa neesid̶au. Maud̶eeba Jesús do iikaa b̶eesii.