Marcos 3:9 - Emberá Chamí

^9-10 Ichiba ẽpermo nuree aribiabiad̶ad̶eeba ẽbẽrarãba ichi waud̶ayua pĩchua imisid̶au. Ichi pĩchua uru panarãad̶amera Jesusba ichi baara nibabadaurãmaa jarasii jãba adoed̶amera.

Marcos 3:9 Iomraidhean Croise

Mateo 15:39

Mau maad̶akare Jesusba ẽbẽrarã ãchi deemaa bʉikasii maabae jãbad̶e ed̶a wãped̶a, Magadán druad̶aa wãsii.

Marcos 4:1

Waya Jesusba Dachi Akõre bed̶ea mar iikaa jaradea kob̶eesii. Maud̶e ẽbẽrarã ãrea ichimaa pĩchuka kob̶eesii. Maud̶eeba Jesús jãba mard̶e nub̶uud̶e ed̶a wãped̶a maabae akʉ b̶eesii. Ẽbẽrarã ibud̶e mar iikaa duaneesid̶au.

Marcos 4:36

Ara makʉd̶e ãchiba ẽbẽrarã aria panuu b̶ʉid̶aped̶a Jesús ara ichi b̶uu jãbad̶e kĩaraa adoesid̶au. Waabenarã ẽbẽrarã sid̶a junebena jãbad̶e wãsid̶au.

Marcos 5:2

Jesús jãbad̶ebena ed̶aa wãsiid̶e ara maud̶e ẽbẽra jai kachirua uru b̶uu ichimaa neesii.

Marcos 5:30

Maamina Jesusba kuitaasii ichi poyaad̶eeba ab̶a aribiasii. Maud̶eeba waya ichiaped̶a id̶isii: —¿Kaiba mʉ paru wausma?

Marcos 6:32

Ara makʉd̶e ãchi du ab̶a jãbad̶e wãsid̶au ẽbẽrarã wãꞌãemaa.

Lucas 5:1

Earab̶a Jesús mar Genesaret abadau iikaa b̶uasii. Maud̶e ẽbẽrarã ãrea ichimaa araa imisid̶au Dachi Akõre bed̶ea ũrid̶ai baita.

Lucas 5:3

Maud̶e Jesús Simón Pedro jãbad̶e ed̶a wãped̶a jarasii ibu iikaabena b̶aꞌãra adoemera. Maabae jãbad̶e akʉ b̶eeped̶a joma aria panuurãmaa jaradea kob̶eesii.

Juan 6:15

Maamina Jesusba kuitaasii ẽbẽrarãba ichi rey babid̶ai kʉ̃ria panuu. Maud̶eeba waya ichi du ab̶a ead̶e ʉtaa wãsii.