Marcos 2:9 - Emberá Chamí

⁹ Machimaarã, ¿chi b̶akara bʉʉ niimaa jarai baita sãu bari au b̶uma: “Bichi kachirua waud̶a perdonasii ai maebʉrã nau ẽbẽra b̶akara bʉʉ nii jiradubiped̶a bichi jira adoebadau adoeped̶a nibabii?”

Marcos 2:9 Iomraidhean Croise

Mateo 4:24

Maud̶eeba ichi joma Siria druad̶ebenarãba trʉ̃ poasid̶au. Maud̶eeba ẽbẽrarãba joma barikiu ẽpermo nureerã eneebachid̶au, kakua puꞌua nuree, jai kachirua bara nuree, kakua wawaaduuba biꞌiwãe nuree maud̶e b̶akara suriidu nuree ichimaa eneebachid̶au. Jesusba ãchi joma aribiabibachii.

Mateo 9:2

Aria ẽbẽra ab̶a b̶akara bʉʉ nii ichi jira adoebadaud̶e Jesusmaa eneesid̶au. Jesusba unusiid̶e mau ẽbẽra eneeped̶aad̶aba biawãra ijãa panuu ichiba chi b̶akara bʉʉ nii poyaa aribiabii b̶uu. Maud̶eeba Jesusba chi b̶akara bʉʉ niimaa jarasii: —Kĩrajʉʉse kũudrãa, bichiba kachirua waud̶a mʉʉba perdonasiid̶eeba.

Mateo 9:5

Machimaarã ¿sãu bed̶ea aude chaarea b̶uma jarai baita? ¿Bichi kachirua waud̶a perdonasii ai maebʉrã nau ẽbẽra b̶akara bʉʉ nii jiradubiped̶a nibabii?

Marcos 2:10

Dachi Akõreba mʉ, chi Ẽbẽra Ba B̶uad̶a b̶usii nau iujãad̶e duanuuba kachirua waubadau perdonabiamera. Mau machimaa unubiai». Ara makʉd̶e chi b̶akara bʉʉ niimaa naka jarasii:

Marcos 2:8

Ãchiba maka kʉ̃risia panuu Jesusba ichi sõd̶e kuitaasii. Maud̶eeba ãchimaa jarasii: «¿Sakãe machi sõd̶e jãka kʉ̃risia panuma?

Lucas 7:48

Maabae ichiba wẽramaa jarasii: —Bichiba kachirua waud̶a mʉʉba joma perdonasii.