Marcos 2:8 - Emberá Chamí

⁸ Ãchiba maka kʉ̃risia panuu Jesusba ichi sõd̶e kuitaasii. Maud̶eeba ãchimaa jarasii: «¿Sakãe machi sõd̶e jãka kʉ̃risia panuma?

Marcos 2:8 Iomraidhean Croise

Mateo 12:15

Jesusba mau kuitaasiid̶e ãyaa wãsii. Ãrea ẽbẽrarã ichi baara wãsid̶au. Maud̶e Jesusba chi ẽpermo nuree joma aribiabiasii.

Mateo 16:7

Jesús baara nibabadaurã ãchi chiya naka berreasid̶au: —Ichiba maka jarasii dachiba pan eneed̶aabasiid̶eeba.

Mateo 9:4

Maamina ãchiba kʉ̃risia panuu Jesusba kuitaasii. Maud̶eeba jarasii: —Machiba ¿sakãe kachirua kʉ̃risia panuma?

Marcos 2:7

«¿Nau sakãe jãka berrea b̶uma? ¡Dachi Akõre daad̶e kachirua berrea b̶uu! Ab̶a Dachi Akõréburu ẽbẽraba kachirua waud̶a poyaa perdonabarii».

Marcos 2:9

Machimaarã, ¿chi b̶akara bʉʉ niimaa jarai baita sãu bari au b̶uma: “Bichi kachirua waud̶a perdonasii ai maebʉrã nau ẽbẽra b̶akara bʉʉ nii jiradubiped̶a bichi jira adoebadau adoeped̶a nibabii?”

Marcos 7:21

Nakʉ kʉ̃risia kachirua awara wãbarii: Kʉ̃risia kachirua b̶eeyu, waabenarã ome ne kachirua wauyu, chiruayu, mia beayu, ab̶a miakãid̶a junebena ome kãi nub̶eeyu, joma uru b̶uai kʉ̃riayu, ne kachirua wauyu, waabenarã setaa kũruayu, perawẽa wauyu, waabenarãba uru b̶uu kakua kĩra kachirua b̶uayu, ab̶au ʉ̃rʉbena miadaa berreayu, waabenarã audeara biꞌia b̶uu kʉ̃risiayu maud̶e kʉ̃risia wãꞌãe b̶ukau wau b̶uayu.

Lucas 24:38

Maamina Jesusba ãchimaa jarasii: —¿Sakãe machi pera panuma? ¿Sakãe mʉ chokae jiradud̶a ijãad̶awẽa panuma?

Lucas 5:22

Maamina Jesusba ãchiba kʉ̃risia panuu kuitaasiid̶eeba naka id̶isii: —¿Sakãe machi sõd̶e jãka kʉ̃risia panuma?

Lucas 6:8

Maamina ãchiba kʉ̃risia panuu Jesusba kuitaasiid̶eeba chi ẽbẽra jua bʉʉ niimaa naka jarasii: —Jiraduped̶a maabae jomaurã ẽsa ʉkʉ nub̶eese. Ara makʉd̶e chi ẽbẽra jiraduped̶a ʉkʉ nub̶eesii.

Juan 21:17

Jesusba waya id̶isii: —Simón, Jonás warr, ¿mʉ kʉ̃ria b̶uka? Mauba b̶es õbea id̶isii. Pedro kĩra nomaa b̶eesii, Jesusba b̶es õbea id̶isiid̶eeba. Maabae ichiba jarasii: —Mʉ Mechiu, bichiba joma kuitaa b̶uu. Bichiba kuitaa b̶uu mʉʉba bichi kʉ̃ria b̶uu. Jesusba jarasii: —Chi mʉʉd̶e ijãa nuree ãrea nu b̶uase oeja nubariiba ichi oeja chekerã nubarii kĩra.

Juan 6:64

Maamina machid̶ebena chi nureeba wabid̶a mʉ bed̶ea ijãad̶awẽa panuu. Jesusba maka jarasii ichiba arab̶aed̶eed̶e kuitaa b̶uad̶ad̶eeba kairãba ichi bed̶ea ijãad̶awẽa panuu, maud̶e kaiba ichi jidaubii b̶uu.

Hechos 5:3

Pedroba jarasii: —Ananías, ¿Sakãe Satanasba waubi b̶uu kĩra wausma? Bichiba Dachi Akõre Jaurimaa setaa jaraaruu. Bichi drua nedobʉid̶ad̶ebena chi nejarr b̶aꞌãra uru b̶eeruu.

Hechos 8:22

Mau kʉ̃risia kachirua ida b̶use. Dachi Mechiumaa chi chuburia ʉtaa id̶ise. Mau makarã, biawãra chi bichiba kachirua waui kʉ̃risia b̶uad̶a ichiba perdonai.

Hebreos 4:13

Dachi Akõreba chi ichiba waud̶a joma unubarii. Ab̶a bid̶a wãꞌãe ichiba unukau. Ichiba ne joma dod̶aa unubarii, dachiba mera uru panuu sid̶a arakʉd̶e unubarii. Ichiba ichiaruud̶e joma dachiba wauped̶aad̶a ichimaa jarad̶ai.

Apocalipsis 2:23

Mʉʉba chi warrarã kinibiai. Maka joma ãbarãba kuitaad̶ai mʉʉba jomaurã kʉ̃risia kuitaa nii maud̶e chi sõd̶eeba wau kʉ̃ria panuu. Mʉʉba machiba wauped̶aad̶a kĩra kastikai.