Marcos 2:5 - Emberá Chamí

⁵ Jesusba unusii ãchiba biawãra ijãa panuu chi b̶akara bʉʉ nii poyaa aribiabii b̶uu. Maud̶eeba Jesusba ichimaa jarasii: Kũudrãa, bichiba kachirua waud̶a mʉʉba perdonasii.

Marcos 2:5 Iomraidhean Croise

Mateo 9:2

Aria ẽbẽra ab̶a b̶akara bʉʉ nii ichi jira adoebadaud̶e Jesusmaa eneesid̶au. Jesusba unusiid̶e mau ẽbẽra eneeped̶aad̶aba biawãra ijãa panuu ichiba chi b̶akara bʉʉ nii poyaa aribiabii b̶uu. Maud̶eeba Jesusba chi b̶akara bʉʉ niimaa jarasii: —Kĩrajʉʉse kũudrãa, bichiba kachirua waud̶a mʉʉba perdonasiid̶eeba.

Mateo 9:22

Jesusba waya ekarrnaa ichiaped̶a mau wẽra unusiid̶e naka jarasii: —Kau, kĩrajʉʉse. Bichiba biawãra ijãasiid̶eeba aribiasii. Ara makʉd̶e mau wẽra aribiasii.

Mateo 9:5

Machimaarã ¿sãu bed̶ea aude chaarea b̶uma jarai baita? ¿Bichi kachirua waud̶a perdonasii ai maebʉrã nau ẽbẽra b̶akara bʉʉ nii jiradubiped̶a nibabii?

Marcos 2:6

Maud̶e Moisesba b̶ʉd̶a jaradeabadaurã chi nuree aria akʉ panasid̶au. Maarãba kʉ̃risiasid̶au:

Marcos 5:34

Maud̶eeba Jesusba ichimaa jarasii: —Kau, biawãra ijãasiid̶eeba bichi aribiasii. Jirukaraayuwãe wãse bichi ẽpermo b̶uad̶a aribiasiid̶eeba.

Lucas 5:20

Jesusba unusii ãchiba biawãra ijãa panuu chi b̶akara bʉʉ nii poyaa aribiabii b̶uu. Maud̶eeba chi b̶akara bʉʉ niimaa naka jarasii: —Kõpaero, bichiba kachirua waukuad̶a mʉʉba perdonasma.

Lucas 8:48

Maud̶e Jesusba jarasii: —Kau, bichi aribiasii, mʉʉba maka waui b̶uu biawãra ijãasiid̶eeba. Jirukaraayuwãe wãse.

Juan 2:25

Jomaurã sõ kuitaa niid̶eeba ab̶au bid̶a ichimaa ẽbẽrarã saka nuree jarad̶aabai panasid̶au.

Juan 5:14

Mau maad̶akare Jesusba ichi Dachi Akõre de mechiu dud̶a unusiid̶e jarasii: —Biꞌia ũrise: bichi aribiasiid̶eeba waa kachirua waurã́se bichi ẽpermo b̶uad̶a audeara kachirua b̶eerãamera.

Hechos 11:23

Mau Bernabé ẽbẽra jipa nibasii. Jesusd̶e ãrea ijãa nibasii; Dachi Akõre Jaurid̶eeba nibasii. Bernabé Antioquiad̶e neesiid̶e unusii Dachi Akõreba ichi sõbiad̶eeba ãbarã kariba b̶uu. Maud̶eeba ichi ãrea kĩrajʉʉsii. Maud̶e ichiba jomaurãmaa jarabachii sõd̶eeba ewaricha Dachi Mechiud̶e biawãra ijãad̶amera. Maka b̶uud̶e ãreaba Dachi Mechiud̶e ijãasid̶au.

Hechos 14:9

Mau ẽbẽraba ũri akʉ b̶uasii Pabloba Jesús ʉ̃rʉbena berreamaa b̶uu. Pabloba maumaa ichiaruud̶e kuitaasii ichiba biawãra ijãa b̶uu Jesusba ichi poyaa aribiabii.

Hechos 5:31

Dachi Akõreba Jesús ichi jua biare b̶usii Dachi Mechiu maud̶e dachi Karibabarii b̶uamera. Ichid̶eeba israeld̶ebenarãba kachirua ida b̶ud̶aped̶a waya Dachi Akõremaa poyaa need̶ai. Makarã ãchiba kachirua wauped̶aad̶a Dachi Akõreba perdonai.

1 Corintios 11:30

Maud̶eeba ãrea machid̶ebenarã kakua biꞌiwãe nuree, ẽpermo nuree maud̶e waabenarã chi nuree biusid̶au.

2 Corintios 2:10

Ab̶auba kachirua waud̶a machiba kʉde uru b̶ee ida b̶uuduubʉrã mʉa bid̶a kʉde uru b̶uu ida b̶ui. Kachirua mʉʉba kʉde uru b̶uu ida b̶ui biawãra b̶uasiibʉrã, mau kachirua Cristo daad̶e joma perdonasii machi biꞌia duanad̶amera.

Efesios 2:8

Jesusd̶e ijãasid̶aud̶eeba Dachi Akõreba ichi sõbiad̶eeba machi karibasii. Ara machi du ab̶a karibad̶aabasii, maumaarã Dachi Akõréburu bari karibasii.

Colosenses 3:13

Jomaurã ome jãaduai kuitaa panásturu. Ab̶auba kachirua wauruubʉrã mau kachirua waud̶a perdonásturu. Machiba kachirua wauped̶aad̶a Dachi Mechiuba kʉde b̶eei ida b̶ud̶a kĩra machia bid̶a kʉde b̶eei ida b̶ústuru.

Santiago 5:15

Maud̶e ijãa panad̶ai panuu Dachi Akõreba mau aribiabii. Maka ʉtaa id̶iiduubʉrã Dachi Mechiuba aribiabii. Chi ẽpermo b̶uad̶aba kachirua waud̶abʉrã, Dachi Mechiuba mau perdonai.