Marcos 2:1 - Emberá Chamí

^1-2 Kãꞌãabariwãed̶e Jesús waya Capernaum puurud̶aa wãsii. Ichi ded̶e b̶uu kuitaasid̶aud̶e ẽbẽrarã ãrea ichimaa pĩchua kob̶eesii. Maud̶e chi poraareeba ed̶a wãi sid̶a wãꞌãe basii. Maud̶e Jesusba Dachi Akõre bed̶ea jaradea b̶uasii.

Marcos 2:1 Iomraidhean Croise

Mateo 4:13

Maamina Nazaret puurud̶e b̶eebasii, Capernaum puurud̶éburu b̶uad̶e wãsii. Mau puuru mar iikaa b̶uu. Neftalid̶ebena neeped̶aad̶a Israel druad̶e b̶uu maud̶e Zabulond̶ebena neeped̶aad̶a drua kaita b̶uu.

Mateo 9:1

Jesús jãbad̶e atauped̶a waya mar kĩaraa wãped̶a ichi b̶uabarii puurud̶aa neesii.

Marcos 1:45

Maamina chi ẽbẽraba Jesusba ichi aribiabid̶a ʉ̃rʉbena jomaurãmaa nebʉrʉd̶e wãsii. Maud̶eeba Jesús ab̶a puurud̶e bid̶a wãabai b̶uasii. Maumaarã awara nibabachii ẽbẽrarã wãꞌãemare. Maamina ẽbẽrarã puuruchad̶ebena ichimaa wãbachid̶au.

Marcos 3:20

Jesús deed̶a ed̶a neesiid̶e waya ẽbẽrarã ãrea pĩchuka kob̶eesid̶au. Mauba Jesús maud̶e ichi baara nibabadaurã chiko poyaa kod̶aabasii.

Marcos 7:17

Maabae Jesusba ẽbẽrarã aria panuu b̶ʉiped̶a deed̶a ed̶a wãsii. Aria ichi baara nibabadaurãba ichiba nebʉrʉd̶a ʉ̃rʉbena id̶isid̶au.

Marcos 7:24

Maad̶akare Jesús Tiro druad̶aa wãped̶a ab̶a ẽbẽra ded̶e b̶eesii. Ichi sama b̶uu ab̶aumaa bid̶a kuitaabi kʉ̃riawẽa b̶uasii. Maamina kuitaasid̶au.

Marcos 9:28

Jesús deed̶aa wãsiid̶e ichi baara nibabadaurãba ãchi chiya id̶isid̶au: —¿Sakãe daiba jãu jai kachirua poyaa duabʉid̶aabasma?

Lucas 4:23

Jesusba jarasii: —Machiba nau bed̶ea mʉʉmaa jarad̶ai: “Ʉrrmid̶ia deabarii, bichi du ab̶a aribiáse. Bichiba Capernaumd̶e waud̶a daiba ũrisid̶au. Nama bichi puurud̶e bid̶a arab̶aud̶e wause”.

Lucas 5:18

Maka b̶uud̶e waabenarãba ẽbẽra b̶akara bʉʉ nii ichi jira adoebadaud̶e adoed̶aped̶a ed̶a adoe kʉ̃ria panasid̶au Jesús daad̶e b̶ud̶ai baita.

Juan 4:47

Maud̶e ichiba ũrisii Jesús Judead̶ebena Galilea druad̶aa neesii. Ara makʉd̶e Caná puurud̶aa wãsii Jesús b̶uumaa. Neeped̶a chi chuburia id̶isii ichi warr biumaa b̶uu aribiabid̶e wãmera.

Hechos 2:6

Mau jĩwa ũrisid̶aud̶e ichiad̶e wãsid̶au. Maud̶e ũrisid̶au chi Jesusd̶e ijãabadaurãba ãchi berreabadaucha berrea panuu. Maud̶eeba kuitaa kʉ̃risiad̶aabasii.