Marcos 16:11 - Emberá Chamí

¹¹ Maamina Mariaba Jesús chokae nii unusii a jarasiid̶e, ãchiba mau ijãad̶aabasii.

Marcos 16:11 Iomraidhean Croise

Mateo 28:17

Ichi unusid̶aud̶e ichimaa biꞌia berreasid̶au maamina waabenarãba ãrea ijãad̶aabasii.

Marcos 9:19

Jesusba jarasii: —¡Machiba Dachi Akõred̶e ijãad̶akau! Machiba ijãad̶amera ¿sakaed̶aa mʉ dauchia jãadua b̶uaima? Mau warr namaa enésturu.

Lucas 24:11

Maamina maarãba chi wẽrarãba barikia berrea panuu kʉ̃risia panuud̶eeba, ijãad̶aabasii.

Lucas 24:41

Maamina kĩrajʉʉba ãchiba wabid̶a poyaa ijãad̶aabasii. Ãchi pera duanuu kĩra duaneesii. Maud̶eeba Jesusba ãchimaa id̶isii: —¿Machiba chiko kod̶ai baita uru panuka?

Juan 20:25

Maud̶eeba ichimaa jarasid̶au: —Daiba Dachi Mechiu unusid̶au. Maamina Tomasba jarasii: —Mʉ dauba ichi jua cruzd̶e jirab̶ud̶ai baita merapeped̶aad̶a unuwẽebʉrã, maud̶e mʉ jua jimid̶i chi cruzd̶e jirab̶ud̶ai baita merapeped̶aad̶ad̶e ed̶a wãwẽebʉrã, maud̶e mʉ jua ichi orrd̶e ed̶a wãwẽebʉrã, ichi chokae jiradud̶a mʉʉba ijãabai.