Marcos 16:1 - Emberá Chamí

¹ Bari panabadau ewari wãsiid̶e María Magdalenaba, Santiago nawe Mariaba maud̶e Salomeba kera nedosid̶au Jesús purud̶ai baita.

Marcos 16:1 Iomraidhean Croise

Marcos 14:3

Mau ewarid̶e Jesús Betania puurud̶e Simón kakua chau nii abadau ded̶e b̶uasii. Ko akʉ b̶uud̶e wẽra ichimaa neesii. Mau wẽraba b̶otia alabastro mo waud̶a eneesii. B̶otia nardo keraara waabiru b̶uasii. Mau nardo kera ãrea id̶i b̶uu b̶uasii. Maud̶e wẽraba chi b̶otia osta b̶ʉaped̶a kera chi Jesús boro ʉ̃rʉ easii.

Marcos 14:8

Nau wẽraba arakʉd̶e wausii. Kãꞌãabariwãed̶e mʉ biud̶akare jau b̶ud̶ai. Maud̶eeba nau wẽraba mʉ ʉ̃rʉ keraba easii.

Marcos 15:40

Chi nuree wẽrarã aria duanad̶aba kaitawẽeba ichiamaa panasid̶au: María Magdalena, Salomé maud̶e chi ab̶au María. Mau Santiago (chi kũudrãa) maud̶e José nawe basii.

Marcos 15:42

Norema bari panabadau ewari basii. Mau ewari baita chi judiorãba ne wau panasid̶au. Kewaraa baaruud̶e,

Marcos 15:47

María Magdalenaba maud̶e José nawe Mariaba Jesús aria b̶uuduu unusid̶au.

Marcos 16:2

Misad̶e daped̶eed̶e, ara ʉmada awara neeruud̶e, ãchi Jesús jau b̶uped̶aad̶amaa wãsid̶au.

Marcos 16:8

Maud̶e pera panuuba kakua urisid̶au. Ara makʉd̶e wẽrarã Jesús jau b̶uped̶aad̶a chob̶ead̶ebena pira wãsid̶au. Wapead̶eeba ab̶aumaa bid̶a jarad̶aabasii.

Lucas 23:54

Bari panabadau ewari bai uru b̶uasiid̶eeba judiorãba mau ewari naed̶e joma wau uru panad̶ai panasid̶au.

Lucas 23:56

Mamabena waya wãd̶aped̶a ãchiba chi biud̶a kakua purubadau kera wausid̶au. Norema b̶ari panasid̶au Moisesba b̶ʉd̶ad̶e jara b̶uu kĩra.

Lucas 24:1

Misa ewarid̶e daped̶eed̶e wẽrarã Jesús jau b̶uped̶aad̶amaa wãsid̶au. Maarãba chi kakua purubadau kera wauped̶aad̶a adoesid̶au. [Ãchi baara waabenarã wẽrarã sid̶a wãsid̶au.]

Juan 19:25

Jesús cruzd̶e jirab̶u kaita Jesús nawe maud̶e chi nawe neekau panasid̶au. Cleofás kima María maud̶e María Magdalena panasid̶au.

Juan 19:31

Judiorã Pascua ewari norema baaruud̶eeba ne wau panasid̶au. Mau bari panabadau ewari mechiud̶eeba ãchiba kʉ̃riad̶awẽa panasid̶au ẽbẽra cruzd̶e jirab̶ud̶ai. Maud̶eeba Pilatomaa id̶isid̶au cruzd̶e jirab̶u b̶ʉʉrʉsiu b̶ʉikuabimera isa biubid̶aped̶a chi kakua ed̶aa jirad̶amera.