Marcos 14:2 - Emberá Chamí

² Maamina chi nureerãba jarasid̶au: «Bari panabadau ewarid̶e jidaud̶aabai ẽbẽrarã kĩrubid̶aabayua».

Marcos 14:2 Iomraidhean Croise

Mateo 26:2

—Machiba kuitaa panuu ewari ome baaruud̶e Pascua ewari waud̶ai. Maud̶e ab̶auba mʉ, chi Ẽbẽra Ba B̶uad̶a jidaubii cruzd̶e jirab̶u bead̶amera.

Mateo 26:5

Maamina jarasid̶au: —Bari panabadau ewarid̶e jidaud̶aabai ẽbẽrarã kĩrubid̶aabayua».

Marcos 11:18

Mau bed̶ea ũrisid̶aud̶e paare mechiurã maud̶e Moisesba b̶ʉd̶a jaradeabadaurãba Jesús wapeasid̶au ichiba jaradea b̶uu jomaurãba biꞌia ũrisid̶aud̶eeba. Maad̶akare saka bead̶ai jʉrʉ kopaneesid̶au.

Marcos 11:32

Maamina ¿saka jarad̶aima mau ẽbẽrarãba bʉiped̶aad̶a?» Chi ẽbẽrarã wapea panasid̶au, Juan biawãra Dachi Akõre baita berreabarii basii a kʉ̃risiasid̶aud̶eeba.

Marcos 14:1

Ewari ome baaruud̶e judiorãba Pascua ewari waud̶ai basii. Mau bari panabadau ewarid̶e pan ẽesãabibariiwãe b̶uu kobadau. Paare mechiurãba maud̶e Moisesba b̶ʉd̶a jaradeabadaurãba jʉrʉbachid̶au Jesús setaa saka kũraad̶ai. Maka jidaud̶ai basii maud̶e beabid̶ai basii.

Marcos 14:3

Mau ewarid̶e Jesús Betania puurud̶e Simón kakua chau nii abadau ded̶e b̶uasii. Ko akʉ b̶uud̶e wẽra ichimaa neesii. Mau wẽraba b̶otia alabastro mo waud̶a eneesii. B̶otia nardo keraara waabiru b̶uasii. Mau nardo kera ãrea id̶i b̶uu b̶uasii. Maud̶e wẽraba chi b̶otia osta b̶ʉaped̶a kera chi Jesús boro ʉ̃rʉ easii.

Lucas 20:6

Maamina ẽbẽraba bʉisii aaduubʉrã, puurud̶ebenarãba dachi mokaraba b̶ata bead̶ai. Puurud̶ebenarãmaarã Juan Dachi Akõre baita berreabarii basii».

Lucas 22:1

Pan ẽesãabibariiwãe b̶uu kobadau ewari ʉ̃rʉ ba b̶uasii. Mau ewari Pascua ewari abadau.

Juan 12:19

Maud̶e fariseorã chiya berrea bara b̶eesii: «¡Ichiásturu! Joma ichi kaad̶e wãaduu. Maud̶eeba chi dachiba ichi ʉ̃rʉbena kʉ̃risiaped̶aad̶a mau poyaa waud̶aabai».

Juan 7:40

Mau bed̶ea ũrisid̶aud̶e aria duanuurãba jarasid̶au: «Biawãra nau ẽbẽra Dachi Akõre baita berreabarii chi mechiu neei b̶uad̶a».