Marcos 13:11 - Emberá Chamí

¹¹ Ẽbẽrarãba machi jidau adoeduud̶e jirukaraarã́sturu saka berread̶ai. Mau ʉ̃rʉbena kʉ̃risiarã́sturu. Ab̶aburu jarásturu Dachi Akõreba jarabiaruu. Ara machi kʉ̃risiad̶eeba berread̶aabai, maumaarã machi kakua Dachi Akõre Jauri berreai.

Marcos 13:11 Iomraidhean Croise

Mateo 10:17

Ẽbẽrarã tãed̶e kauwa nureásturu. Ãchiba machi chi jaradea ua b̶uabadaurãmaa jidau eneed̶aped̶a judiorã araa ãbua imibadau ded̶e soaba ped̶ai.

Marcos 13:12

»Chi ãbaba ara ichi ãba beabii. Chi akõreba ara ichi warr beabii. Maud̶e chi warrarã ãchi akõrerã ome kĩrud̶aped̶a bead̶ai.

Marcos 13:9

»Kauwa nureásturu. Machi chi jaradea ua b̶uabadaurãmaa jidau eneed̶aped̶a judiorã araa ãbua imibadau ded̶e soaba ped̶ai. Mʉʉd̶e ijãa panuu kakua ãchiba machi chi jaradea ua b̶uabadaurã maud̶e chi reyrã daad̶e adoed̶ai. Maud̶e machiba mʉ ʉ̃rʉbena ãchi daad̶e berread̶ai.

Lucas 21:12

»Maamina joma makai naed̶e machi wãraad̶ai biꞌiwãe paneebiad̶ai baita. Chi nuree jidaud̶aped̶a judiorã araa ãbua imibadau ded̶e adoed̶ai. Maabae machi nebʉra ichiad̶aped̶a chi jʉ̃abadau ded̶e jʉ̃akuad̶ai. Mʉʉd̶e ijãa panuu kakua ãchiba machi chi jaradea ua b̶uabadaurã maud̶e chi reyrã daad̶e adoed̶ai.

Juan 3:27

Maud̶eeba Juanba jarasii: —Ab̶au bid̶a poyaa uru b̶uabai, chi mau Dachi Akõreba ichimaa dearuuwãebʉrã.

Hechos 2:4

Maud̶e Dachi Akõre Jaurid̶eeba paneed̶aped̶a bed̶ea didiwaraa berrea bara b̶eesid̶au, Dachi Akõre Jauriba berreabiad̶a kĩra.

Hechos 3:13

Dachi Akõre dachi nabẽraed̶ebena Abraham ome, Isaac ome maud̶e Jacob baara b̶uad̶aba ichi baita bari trajabarii Jesús chi Mechiu b̶usii. Ara mau Jesús machiba Pilatomaa jidau deasid̶au beamera. Pilatoba mau karibai kʉ̃ria b̶uasmina machiba ichi daad̶e mau kʉ̃riad̶awẽe asid̶au.

Hechos 4:31

Dachi Akõremaa ʉtaa id̶id̶ai ida b̶usid̶aud̶e chi panad̶amare de uri kob̶eesii. Maud̶e joma Dachi Akõre Jaurid̶eeba duaneesid̶au. Mauba Dachi Akõre bed̶ea wapead̶awẽa jara kopaneesid̶au.

Hechos 6:10

Maamina ãchiba Esteban ome poyaad̶aabasii, ichi Dachi Akõre Jauri kʉ̃risia kuitaad̶eeba berreabachiid̶eeba.

Hechos 6:15

Chi judiorã mechiurã joma aria akʉ duanuuba Esteban ichiaduud̶e unusid̶au ichi kĩedarr ángel kĩedarr kĩra b̶uu.

Hechos 7:55

Maka panuud̶e Esteban Dachi Akõre Jaurid̶eeba b̶uasii. Bajãad̶aa ichiaruud̶e Dachi Akõre kĩrawãrea ted̶echoa maud̶e Jesús Dachi Akõre jua biare akʉ nub̶uu unusii.

1 Corintios 2:13

Ara mau ʉ̃rʉbena daiba berrea panuu. Maamina nau iujãad̶ebena kʉ̃risia kuitaad̶eeba berrea panuuwãema, maumaarã Dachi Akõre Jauriba daimaa jaradea b̶uu kĩra berrea panuu. Maka Dachi Akõre Jauriba kuitaabi b̶uu daiba jaradea panuu ichiba berreabi b̶uu kĩra.

Efesios 3:5

Naed̶e Dachi Akõreba ẽbẽrarãmaa mau kuitaabiawẽa b̶uasii, maamina jãabae chi ichi baita berreabadaurãmaa maud̶e Jesucristoba bʉid̶arãmaa ichi Jaurid̶eeba kuitaabiasii.

Santiago 1:5

Machid̶ebena ab̶aba kʉ̃risia kuitaawẽa niibʉrã, Dachi Akõremaa ʉtaa id̶ii b̶uu. Maabae Dachi Akõreba deai. Ichimaa ʉtaa id̶iiduubʉrã iadaawẽa sõbiad̶eeba jomaurãmaa deabarii.

1 Pedro 1:12

Maamina Dachi Akõreba kuitaabiad̶a ãchiba berreaped̶aad̶a ãchi baitawãe basii, maumaarã machi baita b̶uu. Ãchiba berreaped̶aad̶a jãabae chi bed̶ea bia Cristo ʉ̃rʉbena jaradeabadaurã dachimaa biꞌia kuitaabia panuu Dachi Akõre Jauri bajãad̶ebena bʉisiid̶eeba. Mau angelerã bid̶a kuitaa kʉ̃ria panuu.