Marcos 12:2 - Emberá Chamí

² Maad̶akare chi uva junabadau ewari neesiid̶e chi chibariba chi bari trajabarii ab̶a bʉisii chi uu nub̶uud̶ebena ichimaa dead̶ai panuu adaud̶e wãmera.

Marcos 12:2 Iomraidhean Croise

Mateo 21:34

Maabae chi uva waraa nub̶eeruud̶e chi chibariba chi trajabadaurã bʉikasii chi uu nub̶uu ʉ̃rʉbena ichimaa dead̶ai panuu adoed̶e wãd̶amera.

Marcos 12:1

Maud̶e Jesusba nebʉrʉʉruuba ãchimaa jarasii: —Ẽbẽra ab̶a b̶uasii. Ewari ab̶aud̶e mau ẽbẽraba uva uusii maabae mokaraba ad̶u karaasii. Aria chob̶ea korosii chi uva barasui baita. Maud̶e de ʉtʉ wausii mamauba joma ichiai baita. Maabae ichi uva uu nub̶uu waabenarã ẽbẽrarã juad̶e b̶usii. Maarã ome bed̶ea deasid̶au chi uva uud̶a chauruud̶e sãabe ichimaa dead̶ai panuu. Maka bed̶ea dead̶aped̶a chi chibari ãibena druad̶aa wãsii.

Marcos 12:3

Maamina chi uu nub̶uu nu panuuba chi chibari baita bari trajabarii jidaud̶aped̶a sĩsid̶au. Maabae jua ara jãka duabʉisid̶au.

Lucas 12:48

Maamina chi chibari baita bari trajabariiba aduawãe b̶uud̶eeba chi chibariba jara b̶uu biawãe wauruubʉrã mau ichi baita bari trajabarii ãrea pebewai. Biawãra Dachi Akõreba waabenarãmaa ãrea dea b̶uu ichi baita waud̶amera. Chi ãrea adoed̶arãba ichi baita ãrea waud̶ai panuu.

Lucas 20:10

Uva junabadau ewari neesiid̶e ichi baita bari trajabarii ab̶a bʉisii chi uva uu nub̶uud̶ebena ichimaa dead̶ai panuu adaud̶e wãmera. Maamina chi uva uu nub̶uu nu panuuba chi chibari baita bari trajabarii sĩd̶aped̶a jua ara jãka duabʉisid̶au.

Hebreos 1:1

Nabẽraed̶e Dachi Akõreba dachi nabẽrarãmaa b̶es ãrea bed̶ea ne jomad̶e berreabachii. Ichi baita berreabadaurãd̶eeba maka berreabachii.