Marcos 10:51 - Emberá Chamí

⁵¹ Maud̶e Jesusba ichimaa id̶isii: —¿Kãare kʉ̃ria b̶uma mʉʉba waui? Chi dau pãriu niiba jarasii: —Jaradeabarii, mʉʉba unui kʉ̃ria b̶uu.

Marcos 10:51 Iomraidhean Croise

Mateo 23:7

Maud̶e puurud̶e nid̶aud̶e kʉ̃riabadau ẽbẽrarãba ãchimaa wapeadee panuud̶eeba “Jaradeabarii” ad̶ai.

Mateo 23:8

»Maamina machi arab̶au ãbarã nureed̶eeba maud̶e Jaradeabarii ab̶a uru panuud̶eeba kʉ̃riad̶aabai panuu ẽbẽrarãba machimaa “Jaradeabarii” ad̶ayu.

Mateo 7:7

»Machiba wãꞌãe panuu Dachi Akõremaa ʉtaa id̶i panásturu; maabae ichiba machimaa deai. Jʉrʉ panásturu; ichiba unubiai. De poraad̶e iústuru; maud̶e chi poraa ewabarii kĩra, maka ichiba deai.

Marcos 10:36

Jesusba id̶isii: —¿Kãare kʉ̃ria panuma mʉʉba machi baita waui?

Marcos 10:50

Ara makʉd̶e Bartimeoba ichiba anab̶ari jʉ̃barii jʉ̃ b̶uad̶a enaped̶a isa jiraduped̶a Jesusmaa wãsii.

Juan 20:16

Maud̶e Jesusba jarasii: —¡María! Mariaba araa ichiaped̶a —¡Raboni! asii. (Mau hebreo bed̶ead̶e jara b̶uu “Jaradeabarii”).

Hechos 23:19

Maabae kokoroarã chi mechiuba kũudrãa juad̶e jidauped̶a ãyaa adoesii. Maabae id̶isii: —¿Kãare mʉʉmaa jara kʉ̃ria b̶uma?

Filipenses 4:6

Barikia kakua ãrea jirukaraarã́sturu, maumaarã Dachi Akõremaa ʉtaa id̶ísturu, ichimaa chi chuburia id̶ísturu, maud̶e ne joma ʉ̃rʉbena ichíturu kid̶ibai ásturu.