Marcos 10:2 - Emberá Chamí

² Maka b̶uud̶e waabenarã fariseorã neesid̶au. Ichi kachirua berreabid̶ai baita naka id̶isid̶au: —¿Mukĩraba chi wẽra amaai biꞌia b̶uka?

Marcos 10:2 Iomraidhean Croise

Mateo 15:12

Mau maad̶akare Jesús baara nibabadaurã ara kaita need̶aped̶a jarasid̶au: —¿Bichiba kuitaa b̶uu kĩra fariseorã sõ kachirua panuu bichiba jãu bed̶ea jarasiid̶eeba?

Mateo 16:1

Mau maad̶akare waabenarã fariseorã maud̶e saduceorã Jesusmaa neesid̶au. Ichi bajãad̶ebena nee b̶uu kuitaad̶ai baita ichimaa id̶isid̶au ẽbẽrarãba ne poyaa waud̶akau waumera.

Mateo 19:3

Maka b̶uud̶e waabenarã fariseorã neesid̶au. Ichi kachirua berreabid̶ai baita naka id̶isid̶au: —¿Mukĩraba chi wẽra amaai biꞌia b̶uka ichi kʉ̃riad̶eeba?

Mateo 22:35

Ab̶a Moisesba b̶ʉd̶a jaradeabarii basii. Mauba Jesús kachirua berreabid̶ayua naka id̶isii:

Mateo 23:13

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba ẽbẽrarãmaa ida kuitaabiad̶akau Bajãad̶e B̶uuba ichid̶irã ichi juad̶e ua b̶uu ʉ̃rʉbena. Ichi juad̶e panad̶ai kʉ̃riad̶awẽa panuu maud̶e chi aria duanad̶ai kʉ̃ria panuurã ida b̶ud̶akau.

Mateo 9:34

Maamina fariseorãba jara duanasid̶au: —Jãu Jesusba jai kachirua duabʉibarii, jai kachiruarã karrba mau poyaabarii deasiid̶eeba.

Marcos 10:1

Maabae Jesús Capernaum puurud̶ebena Judea druad̶aa wãsii Jordán do kĩaraa. Ẽbẽrarã ãrea waya ichimaa imisid̶aud̶e ichiba waubarii kĩra ãchimaa jaradea kob̶eesii.

Marcos 10:3

Jesusba panausii: —¿Moisesba kãare b̶ʉsma?

Marcos 8:11

Mau ewarid̶e fariseorã need̶aped̶a Jesús ome kĩru berrea panasid̶au. Ichi bajãad̶ebena nee b̶uu kuitaad̶ai baita ichimaa id̶isid̶au ẽbẽrarãba ne poyaa waud̶akau waumera.

Marcos 8:15

Maud̶e Jesusba jarasii: —Fariseorã masa ẽesãabibarii maud̶e Herodesd̶e sid̶a, kauwa panásturu.

Lucas 11:39

Maud̶e Dachi Mechiuba ichimaa jarasii: —Machi fariseorãba basu maud̶e paratu chi ʉ̃rʉbena biꞌia jeraabadau, maamina machi sõd̶e ne joma kʉ̃riabadau maud̶e kachirua sid̶a kʉ̃risiabadau.

Lucas 16:14

Jesusba jarad̶a fariseorãba joma ũri duanasid̶au. Ãchiba chi nejarra kʉ̃riabadaud̶eeba Jesús atua jara kopaneesid̶au.

Lucas 5:30

Mau unusid̶aud̶e Moisesba b̶ʉd̶a jaradeabadaurãba maud̶e fariseorã Jesús baara nibabadaurãmaa naka kachirua jarasid̶au: —¿Sakãe chi nejarra pebadaurã baara maud̶e waabenarã kachirua waubadaurã baara ãbua komaa panuma?

Lucas 6:7

Moisesba b̶ʉd̶a jaradeabadaurã maud̶e fariseorã panasid̶au. Maarãba Jesús ichia panasid̶au bari panabadau ewarid̶e ẽbẽra jua bʉʉ nii aribiabii kuitaa. Aribiabid̶a basirã mau ʉ̃rʉbena kachirua jarad̶ai kʉ̃risia panasid̶au.

Lucas 7:30

Maamina fariseorãba, Moisesba b̶ʉd̶a jaradeabadaurã bid̶a Dachi Akõreba ãchi baita wau kʉ̃ria b̶uad̶a ida b̶usid̶au. Maud̶eeba Juanba ãchi boro eabasii.

Juan 11:47

Maud̶eeba fariseorã maud̶e paare mechiurã ome araa ãbua imid̶ai jarasid̶au. Naka jarasid̶au: —Dachiba ¿saka waud̶aima? Mauba ẽbẽrarãba ne poyaa waud̶akau ãrea wau b̶uu.

Juan 11:57

Maamina paare mechiurãba maud̶e fariseorãba jarasid̶au barikiuba Jesús neesii kuitaaduubʉrã jarad̶ai b̶uu ichi jidaud̶amera.

Juan 7:32

Fariseorãba kuitaasid̶au ẽbẽrarãba Jesús ʉ̃rʉbena didiwaraa berrea panuu. Maud̶eeba ãchiba maud̶e chi paare mechiurãba chi Dachi Akõre de nubadaurã bʉisid̶au Jesús jidaud̶e wãd̶amera.

Juan 7:48

¿Dai fariseorãba maud̶e waabenarã chi mechiu nuree bid̶a ichid̶e ijãa panuka?

Juan 8:6

Ãchiba maka id̶isid̶au Jesusmaa kachirua berreabid̶ai baita, mauba ichi jidead̶ayua. Maud̶e Jesús ed̶aa sinib̶arikau kob̶eeped̶a ichi jua jimid̶iba iorod̶e b̶ʉ kob̶eesii.

1 Corintios 10:9

Cristoba saka waui kuitaai dachiba kachirua waud̶aabai panuu waabenarã ãchiba wauped̶aad̶a kĩra. Maud̶eeba chi nuree damaba kaakuaped̶a kinisid̶au.